Túrkistan oblysy, Túlkibas aýdanyna qarasty Turar Rysqulov aýylynyń Abaı atyndaǵy qazaq orta mektebinen osydan jıyrma jyl buryn túlep ushqan azamattar osyndaı ıgi is jasady. 1998 jyly mektep bitirgen túlekter 7 balany jalǵyz ózi tárbıelep otyrǵan ana Almagúlge aýyldan úı alyp berip, qýanyshqa bólegen.
– Paıǵambarymyz s.a. ý egerde kimde-kim bir ıgi isti bastaıtyn bolsa jáne ol erteń jalǵasyn tabatyn bolsa, ol meniń bir súnnetimdi jańartqanmen teń" dep aıtyp ketken bolatyn. Biz de sondaı bir ıgi isti bastap jáne ol erteń jalǵasyn tapsa eken degen nıetimiz aqyretke deıin jalǵassa eken dep, Alladan tileımiz. Almagúl apaı, mine, mektep bitirgenderine 20 tolǵan 81-jylǵylar sizge Alla razylyǵy úshin úı syılap otyr. Bul úı Allanyń sizge bergen syıy. Sizge berilgen úı bizdiń aqshamyz, tapqan dúnıemiz emes. Ony Alla taǵala bizge berdi, odan keıin osy sizge úlestirip otyrmyz. Sondyqtan da, bul úıde tek qana jaqsylyq, qýanysh bolsyn, – degen túlekter úı ıesine syılyqtaryn tabystaǵan.
