Túlkibas aýdanynyń túlekteri muqtaj otbasyǵa aýdan ortalyǵynan baspana syilady, – dep habarlaidy Dalanews.kz
Abai atyndaǵy bilim ordasy men B.Sadyqov jáne M.Lomonosov atyndaǵy mektepterin 20 jyl buryn támamdaǵan túlekter 13 mln teńgege jýyq qarajat jinap, sonyń 9 mln teńgesine úi satyp alǵan. Keiin baspanany tolyq jóndeýden ótkizip, ishin qajetti jihaz-tehnikalarmen jabdyqtap berip otyr.
Qasietti juma kúni saýapty isti uran qylǵan túlkibastyqtar úidiń aýlasynda 300 adamǵa as berip, Qarataevtar otbasyna úidiń kiltin tabystady. Jas otbasynyń otaǵasy 1-top múgedektigi bar azamat. Osy kezge deiin otbasymen jaldamaly páterde turyp kelgen.
Igi sharada aýdan ákiminiń orynbasary E.Ormanov, aýdandyq ardagerler keńesiniń tóraǵasy Q.Anashev, ardager ustazdar men atalǵan bilim ordalaryn bitirgen túlekter sóz sóilep, baspanaly bolǵan jas otbasyǵa ystyq lebizderin bildirdi.
Shara sońynda dástúr boiynsha 2005 jylǵy mektep túlekteri estafetany 2006 jylǵy túlekterge tabystady. Aita keteiik, dál osyndai igi shara aýdan ortalyǵynan bólek, Túlkibas kentinde de jalǵasyn tappaq. Ol jerde de mektep bitirgenderine 20 jyl bolǵan túlekter 2 muqtaj otbasyǵa baspana syilaǵaly otyr. Igi dástúrge arnalǵan bul bastama 8 jyldan beri jalǵasyn taýyp keledi.
