Túlkibas aýdanynyń sharýalary bıyl jyl boıyna egistikke eki ret kókónis túrlerin egip, odan mol ónim jıyp alýdy kózdep otyr. Byltyr osy jańashyl ádisti tájirıbe retinde synap kórgen birshama sharýalar tabyspen shyqan bolatyn. Bıyl qyzyǵýshyl tanytqan dıqanshylar qatary artyp otyr.

Búgingi tańda bir jerden eki ónim alatyn 154 sharýashylyqtyń tizimi jasalynyp, jalpy kólemi 265,33 gektar jerge qyzanaq, qıar, júgeri, noqat, sarymsaq, kartop egilip, mol ónim alýdy kózdep otyr. Aýdandyq aýyl sharýshylyǵy bólimi mamandarynyń boljamyna sáıkes,  alǵashqy  ónim 1721,3 tonna, al eknshi ónim kólemin 4358,0 tonnaǵa jýyqtaıtynyn aıtyp otyr.

Túlkibas aýdanynda aýyl sharýashylyǵy jáne jappaı kásipkerlikti damytý baǵytynda aýqymdy jumystar iske asyp jatyr. Qazirgi tańda aýdan ákimdiginiń tıisti derbes bólimderi men kent, aýyldyq okrýg mamandary tarapynan óz kásibin ashýǵa qyzyǵýshylyq bildirgen turǵyndarǵa jan-jaqty qoldaýlar kúsheıtilgen. Sonymen qatar, sýarmaly jerlerdi ulǵaıtý maqsatynda da júıeli sharalar iske asýda.