Túlkibas aýdany ákimdiginiń apparaty men derbes bólimder jáne aýyldyq okrýg ákimdikterinde barlyǵy 205 memlekettik qyzmetker bar. Atalǵan mekemelerde indetke qarsy ujymdyq ımýnıtet qalyptastyrý maqsatynda belgilengen sanattaǵy memlekettik qyzmetkerler tolyǵymen ekpe alǵan, – dep habarlaıdy Dalanews.kz Túrkistan oblysynyń Óńirlik komýnıkasıalar qyzmetine silteme jasap.

Tek qana qoǵamdyq densaýlyq saqtaý mınıstrliginiń bekitken sanattaǵy 8 qyzmetker ekpe alýdan bosatylǵan (júkti áıelder, naýqas jáne múgedektigi bar qyzmetkerler).

Qazirgi tańda aýdan aýmaǵynda ekpe egý pýnkterinde 28 470 azamat ekpeniń İ-shi komponentin, 18 924 turǵyn İİ-shi komponentin alǵan. Sońǵy táýlikte qosymsha 970 turǵyn koronavırýs ınfeksıasyna qarsy ekpeniń birinshi jáne ekinshi komponentin saldyrǵan.