Túlkibas aýdanynda alǵash ret soıanyń álemdik naryqta úlken suranysqa ıe jańa sorty egildi. Tájirıbe oń nátıjesin berse 2022 jyly soıa daqylyn (burshaq tuqymdas ósimdik) óndiristik kólemin ulǵaıtyp 500-600 gektar jerge egý josparlanýda, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Aýdandyq aýyl sharýashylyǵy bólimi men arnaıy kelip, tájirıbesimen bólisken «Ońtústik-Batys mal sharýashylyǵy jáne ósimdik sharýashylyǵy ǵylymı-zertteý ınstıtýty» JSHS-niń atqarýshy dırektory, aýyl sharýashylyǵy ǵylymdarynyń kandıdaty G.Tastanbekovanyń qatysýymen Jaskeshý aýyldyq okrýginiń aýmaǵyndaǵy «Borsyqsaı» JSHS-niń 2 gektar sýǵarmaly jerine aýdanda soıa daqylyn jersinýin baqylap, zertteý maqsatynda (tájirıbe retinde) soıa daqylyn ekti.



Óńirde sýdy únemdeý, jer qunaryn saqtaý, arttyrý jáne ónimdi kóbeıtý maqsatynda birqatar tyń jobalar qolǵa alynǵan. Burshaq tuqymdas soıa daqyly álemdik naryqta joǵary suranysqa ıe. Kóptegen memleketter ony et taǵamdarynyń ornyna tutynady. Jer qunaryn arttyrýǵa septigi de kóp eken.