454 million teńgege memlekettik-jekemenshik áriptestik sheńberinde Túlkibas aýdanynyń ákimdigi men oblystyq deneshynyqtyrý jáne sport basqarmasy men «Turan Sport Grýp» JShS-niń úsh jaqty kelisiminiń aiasynda soǵylǵan sport kesheninde boks, dziýdo, ústel tenisi, basketbol, erkin kúres jáne taǵy da basqa siiaqty sport túrlerimen ainalysýǵa bolady. Kelýshilerdiń yńǵailylyǵy úshin kiim aýystyrýǵa, dýsh qabyldaýǵa arnalǵan arnaiy bólmeler jáne bapkerler men medbikelerge arnalǵan bólmelermen de qamtylǵan.
Saltanatty jiynnyń ashylýynda alǵash sóz alǵan aýdan ákimi N.Turashbekov barsha jinalǵan qaýymdy sport kúni merekesimen jáne kent turǵyndaryn jańa ǵimarattarymen quttyqtap, aýdanda sport salasyn damytý maqsatynda atqarylyp jatqan jumystarǵa toqtalyp ótti.
Saltanatty jiyn barysynda Túrkistan oblysy deneshynyqtyrý jáne sport basqarmasynyń basshysy Bolat Qyryqbaev atalmysh sport keshenin soqqan «Turan Sport Grýp» JShS-niń direktory Esbol Áýesbekulynyń iyǵyna shapan jaýyp, oblys ákimdiginiń tarapynan alǵyshat tabystady.
Saltanatty jiyn sońynda dúniejúzi qazaqtary qaýymdastyǵy tóraǵasynyń birinshi orynbasary Zaýytbek Qaýysbekuly men KSRO-nyń sport sheberi, QR eńbek sińirgen jattyqtyrýshy Mahambet Baimyrzauly arnaiy sport kesheniniń ashylý saltanatyna orai uiymdastyrylǵan bokstan oblys birinshiliginiń jeńimpazdaryn marapattady.
Búgingi tańda aýdanda 4 memlekettik sport mektepteri jáne 1 sport klýby halyqqa qyzmet kórsetedi. Onyń ishinde 1 oblystyq, 3 aýdandyq balalar-jasóspirimder sport mektepteri jáne 1 sport klýby sporttyń 16 túrinen 14 aýyldyq okrýgterdegi úsh myńǵa jýyq jastardy qamtidy.
Qazaqstan Respýblikasynyń Tuńǵysh Prezidenti N. Nazarbaev Qazaqstan halqynyń turaqty túrde sportpen shuǵyldanýy 2020 jylǵa deiin 30 % paiyzǵa jetkizý kerektigin aitqan bolatyn. Qazirgi tańda aýdanda turaqty túrde sportpen shuǵyldanýshylar sany 29,7 % paiyzǵa jetti. Jyl sońyna deiin aýdan jastary men turǵyndaryn salaýatty ómir saltyn ustanyp, sportqa baýlý arqyly aýdandaǵy turaqty sportpen shuǵyldanýshylar sanyn 30 %-dan asyrý josparda bar.
Túrkistan oblysy ákiminiń baspasóz qyzmeti
