454 ميلليون تەڭگەگە مەملەكەتتىك-جەكەمەنشىك ارىپتەستىك شەڭبەرىندە تۇلكىباس اۋدانىنىڭ اكىمدىگى مەن وبلىستىق دەنەشىنىقتىرۋ جانە سپورت باسقارماسى مەن «تۇران سپورت گرۋپ» ءجشس-نىڭ ءۇش جاقتى كەلىسىمىنىڭ اياسىندا سوعىلعان سپورت كەشەنىندە بوكس، دزيۋدو، ۇستەل تەنيسى، باسكەتبول، ەركىن كۇرەس جانە تاعى دا باسقا سياقتى سپورت تۇرلەرىمەن اينالىسۋعا بولادى. كەلۋشىلەردىڭ ىڭعايلىلىعى ءۇشىن كيىم اۋىستىرۋعا، دۋش قابىلداۋعا ارنالعان ارنايى بولمەلەر جانە باپكەرلەر مەن مەدبيكەلەرگە ارنالعان بولمەلەرمەن دە قامتىلعان.
سالتاناتتى جيىننىڭ اشىلۋىندا العاش ءسوز العان اۋدان اكىمى ن.تۇراشبەكوۆ بارشا جينالعان قاۋىمدى سپورت كۇنى مەرەكەسىمەن جانە كەنت تۇرعىندارىن جاڭا عيماراتتارىمەن قۇتتىقتاپ، اۋداندا سپورت سالاسىن دامىتۋ ماقساتىندا اتقارىلىپ جاتقان جۇمىستارعا توقتالىپ ءوتتى.
![](/uploads/images/20240127211906714.jpg)
سالتاناتتى جيىن بارىسىندا تۇركىستان وبلىسى دەنەشىنىقتىرۋ جانە سپورت باسقارماسىنىڭ باسشىسى بولات قىرىقبايەۆ اتالمىش سپورت كەشەنىن سوققان «تۇران سپورت گرۋپ» ءجشس-نىڭ ديرەكتورى ەسبول اۋەسبەك ۇلىنىڭ يىعىنا شاپان جاۋىپ، وبلىس اكىمدىگىنىڭ تاراپىنان العىسحات تابىستادى.
سالتاناتتى جيىن سوڭىندا دۇنيەجۇزى قازاقتارى قاۋىمداستىعى ءتوراعاسىنىڭ ءبىرىنشى ورىنباسارى زاۋىتبەك قاۋىسبەك ۇلى مەن كسرو-نىڭ سپورت شەبەرى، ق ر ەڭبەك سىڭىرگەن جاتتىقتىرۋشى ماحامبەت بايمىرزا ۇلى ارنايى سپورت كەشەنىنىڭ اشىلۋ سالتاناتىنا وراي ۇيىمداستىرىلعان بوكستان وبلىس بىرىنشىلىگىنىڭ جەڭىمپازدارىن ماراپاتتادى.
بۇگىنگى تاڭدا اۋداندا 4 مەملەكەتتىك سپورت مەكتەپتەرى جانە 1 سپورت كلۋبى حالىققا قىزمەت كورسەتەدى. ونىڭ ىشىندە 1 وبلىستىق، 3 اۋداندىق بالالار-جاسوسپىرىمدەر سپورت مەكتەپتەرى جانە 1 سپورت كلۋبى سپورتتىڭ 16 تۇرىنەن 14 اۋىلدىق وكرۋگتەردەگى ءۇش مىڭعا جۋىق جاستاردى قامتيدى.
قازاقستان رەسپۋبليكاسىنىڭ تۇڭعىش پرەزيدەنتى ن. نازاربايەۆ قازاقستان حالقىنىڭ تۇراقتى تۇردە سپورتپەن شۇعىلدانۋى 2020 جىلعا دەيىن 30 % پايىزعا جەتكىزۋ كەرەكتىگىن ايتقان بولاتىن. قازىرگى تاڭدا اۋداندا تۇراقتى تۇردە سپورتپەن شۇعىلدانۋشىلار سانى 29،7 % پايىزعا جەتتى. جىل سوڭىنا دەيىن اۋدان جاستارى مەن تۇرعىندارىن سالاۋاتتى ءومىر سالتىن ۇستانىپ، سپورتقا باۋلۋ ارقىلى اۋدانداعى تۇراقتى سپورتپەن شۇعىلدانۋشىلار سانىن 30 %-دان اسىرۋ جوسپاردا بار.
تۇركىستان وبلىسى اكىمىنىڭ باسپا ءسوز قىزمەتى