Túrkistan oblysy Túlkibas aýdanynda eki týrısik nysan iske qosyldy. Sheteldik jáne otandyq týrıserge qyzmet kórsetýge arnalǵan «Etno Park Resort» etno aýyl men «Almaly» demalys aımaǵy eýropalyq stılde boı kótergen, – dep habarlaıdy Dalanews.kz Túrkistan oblysynyń Óńirlik komýnıkasıalar qyzmetine silteme jasap.

«Etno Park Resort» etno aýyl-demalys orny bir mezette 180 adamdy qabyldaýǵa qaýqarly. Nysannyń jalpy quny 417 mln teńgeni quraıdy. Menshik ıesi K.Ótegenovanyń aıtýynsha, demalys aımaǵynda 29 jergilikti turǵyn jumys isteýde.



«Almaly» demalys aımaǵynda syıymdylyǵy 50 oryndyq meıramhana jáne týrıserge qyzmet kórsetýge arnalǵan baseın, jazǵy alańshalarmen qamtylǵan. Jobanyń quny 123 mln teńge. Nysan 20-ǵa jýyq aýyl turǵyndaryn jumyspen qamtyp otyr.

Búgingi tańda Túlkibas aýdanynda 36 týrısik nysan aýdan turǵyndary men qonaqtaryna qyzmet kórsetýde.