Túrkistan oblysy, Túlkibas aýdany, Shubaiqyzyl shoqysy elimizdiń «Qyzyl kitabyna» engizilgen Greig qyzǵaldaǵy eń kóp ósetin aýmaq. Bul qyzǵaldaqtar Qazyǵurt, Tólebi, Báidibek óńirlerindegi taýly aýmaqtarda kezdesedi. Jylyna bir ret nebári 10-15 kún ǵana gúldeitin qyzǵaldaqtar tirshilik jańarǵan shaqta 15-20 gektardai jerdi alyp jatqan alqap qyzyl kilemge oranǵandai ásem túrge enedi.
2018 jyldan bastap tabiǵatymyzdyń kórkem syilarynyń biri qyzǵaldaqty dáriptep, keiingi urpaqqa bar mańyzdylyǵyn jetkizý maqsatynda «Aqsý-Jabaǵyly alaýy, Shubaiqyzyl-jalaýy!» atty qyzǵaldaqtar festivalin ótkizý Túrkistan óńirinde dástúrge ainalǵan.
Aitýly sharada alǵash bolyp sóz alǵan Túrkistan oblysy ákiminiń orynbasary Málik Otarbaev jiylǵan jurtty biylǵy qyzǵaldaq festivaliniń ashylýymen quttyqtady.
– Elbasymyz Nursultan Nazarbaev «Uly dalanyń jeti qyry» atty baǵdarlamalyq maqalasynda Qazaqstan alma men qyzǵaldaqtyń Otany ekenin aitty. Tipti, qyzǵaldaq Qazaq dalasynan Eýropa elderine Uly Jibek joly arqyly jetti degen derek bar. Bul – biz úshin maqtanysh ári úlken jaýapkershilik. Búgingi is-sharanyń maqsaty– qorshaǵan ortany, sonyń ishinde qyzǵaldaqty qorǵaýǵa shaqyrý, «Rýhani jańǵyrý» baǵdarlamasy aiasyndaǵy týǵan jerdi túletý, týrizm men tarihi oryndardy nasihattaý baǵytyndaǵy mindetterdi oryndaý. Endeshe sulýlyqtyń simvolyndai qyzǵaldaqtarymyz máńgi qulpyryp, Túrkistan oblysy gúldene bersin! – dedi Málik Nurjanuly.
Al tanymal jazýshy «Alash» syilyǵynyń iegeri Marhabat Baiǵut Shubaiqyzyl shoqysyn saqtap, ony erekshe qorǵaýǵa alý kerektigin aitty. Jurtshylyqqa gúldi julmaý kerektigin eskertti.
Dástúrli shara barysynda «Shubaiqyzyl – Qyzǵaldaqtyń Otany» teatrlandyrylǵan qoiylymy men «Shubaiqyzyl Qyzǵaldaǵym» sazdy-horeografiialyq kórinisteri qoiyldy.
Festival aiasynda «Shurailym, Shubaiqyzylym» atty jas qalamgerler men kompozitorlardyń baiqaýy jańa formatta ótkizildi. Shara barysynda atalmysh baiqaýlardyń jeńimpazdaryn marapattaý rásimi ótti.
Sondai-aq, festivalde «Uly dala urany – Qyzǵaldaq festivali» tabiǵatty qorǵaýshylar sherýi ótip, «Tabiǵat saqshylary» atty oblys aimaǵyndaǵy memlekettik qoryqtardyń kórmesi uiymdastyryldy. Sonymen qatar, jinalǵan jurt «Qyzǵaldaq saraiy» oblystyq sýretshiler kórmesin tamashalap, shara «Shubaiqyzyl» shoqysyna jalpyhalyqtyq saiahatqa ulasty.
Túrkistan oblysy ákiminiń baspasóz qyzmeti
