Túlkibasta ótken jyly 627 tonna jańǵaq jinaldy
Jańǵaq aǵashy oblysymyzdyń barlyq óńirinde óse bermeitin ósimdik. Túlkibas, Tólebi, Sairam jáne Qazyǵurt aýdandarynyń taý bókterinde jáne úi irgelik jerlerinde ósedi. Túlkibas aýdanynyń aýmaǵynda jańǵaq aǵashtaryn ósirip, odan ónim alýmen osy merzimge deiin úi-irgelik jerlerine otyrǵyzyp, ónim alynyp kelgen. 2018 jyly aýdanymyzǵa oblys ákiminiń tapsyrmasyna sáikes 250,0 ga jańǵaq otyrǵyzý tapsyrmasy berilip, 257,5 ga otyrǵyzylyp, meje 103 paiyzǵa oryndaldy.
Aǵymdaǵy jyly aýdandyq statistika basqarmasynyń resmi málimetine sáikes jańǵaq daqylynan 627,6 ónim jinalǵan. Jańǵaq ónimin jinaýdy aýdan turǵyndary jeke kásibi retinde iske asyrýda. Aýdandyq ortalyq bazar jańynan qabyldaý pýnkterin ashyp, sapasyna qarai ónimniń pisken kezinde baǵasy 400-500 teńgeden satyp alyp, qaita óndeýden ótkizip, qabyǵynan ajyratylyp (paidalanýǵa daiyn kúiinde) oblysymyzdyń iri saýda ortalyqtary men konditerliktsehtarǵa nemese basqa óńirlerge kilogramy 1200-1500 teńgeden ótkizýde.
