Túlkibasta óndirilgen konserviler Qytai naryǵyna shyǵyp jatyr
Kásipker taýarlardyń basym bóligin Almaty qalasy men elimizdiń batys óńirlerine jiberýde. Búginde tabiǵi, ekologiialyq taza ónimderge Qytai halqy da qyzyǵýshylyq tanyta bastaǵan.
– Kún sanap bizdiń ónimge degen suranys kúsheiip keledi. Tutynýshylardyń kóńilinen shyqqandyqtan dep oilaimyn, qazir sheteldik naryqqa aiaq basyp otyrmyz. Jazǵy ýaqytta 40 adam jumysqa tartylǵan. Al, qazir 20 adam jumys jasaýda, –dedi «Báiterek 4» JShS direktorynyń orynbasary Baqytjan Ospanov.
Óńdeletin kókónister Sairam aýdanynan bólek, Qyrǵyzstan, Ózbekstan elderinen de satyp alynýda. Kásipker aldaǵy ýaqytta shikizatty da ózi óndirýdi qolǵa almaq. Osy jumystardy iske asyrý úshin aýdan ákimshiligimen birlesken túrde tiisti jumystar atqarylýda.
Aita ketsek, «Baiterek 4» JShS-niń «Kókónis konservileý bazasy 2015 jyly «Biznestiń jol kartasy – 2020» memlekettik baǵdarlamasy aiasynda iske qosylǵan. Jobanyń jalpy quny 115 mln. teńge. Óndiris orny Qytai, Resei, jáne Bolgariia elderinen alynǵan zamanaýi qural jabdyqtarmen jabdyqtalǵan.
Túrkistan oblysy ákiminiń baspasóz qyzmeti
