Túlkibasta mal sany kóbeiýde
Túlkibastaǵy sharýalardyń mal sharýashylyǵyn damytýda memlekettik baǵdarlamalar da oń baǵytta áser etkenin atap aitýǵa bolady. Aitalyq, «Sybaǵa» baǵdarlamasy boiynsha josparda 75 bas satyp alý bolsa, qazirgi tańǵa 147 satyp alynyp jospar 196,0 paiyzǵa artyǵymen oryndalǵan. Al «Qulan» baǵdarlamasy boiynsha josparda 106 bas satyp alý bolsa, qazirgi tańǵa 164 satyp alynyp 155,0 paiyzǵa ósip otyr.
«Altyn asyq» baǵdarlamasy boiynsha josparda 334 bas satyp alý bolsa, qazirgi tańǵa 450 satyp alynyp 134,7 paiyzǵa ósken.
Túrkistan oblysy mal sharýashylyǵyn damytý is-sharalarynyń aýdanda 10-15 basqa arnalǵan 269 shaǵyn mal bordaqylaý alańdary, 5-10 bastyq 83 januialyq sút fermasy qurylyp jatqanyn da aita ketýimiz kerek.
Búginde aýdanda asyl tuqymdy 3008 bas iri qara mal, 755 bas jylqy bar. Onyń ishinde osydan 3 buryn Avstraliia elinen ákelingen Jabaǵyly aýylyndaǵy angýs jáne gereford asyltuqymdy iri qara maldar jersinip, tóldep mal basy 800-ge jetken. Sonymen qatar Kereit aýylyndaǵy Resei, Túrkimenstan, Qyrǵyzstan elinen ákelingen sáigúlikter respýblikada ótkizilgen túrli jarystarǵa qatysyp, aýdan mereiin ústem etýde.
Jalpy aýdanda mal sharýashylyǵyn damytý, maldardy asyldandyrý memlekettik baǵdarlamalary tolyq oryndalyp otyr.
Dalanews.kz
