Túlkibasta jaramazan aitýdan jarys ótti
Qasietti Ramazan aiyna orailastyrylǵan sharada salt dástúrimizben birge kele jatqan jaramazan dástúri keńinen nasihattaldy.
Sharaǵa Túlkibas aýdany ákimi Nurlan Baiǵut, Túrkistan oblysynyń naib imamy Samat Anarbaev, aýdannyń bas imamy M.Serik qatysty.
Baiqaý nátijesinde Bas júldeni túlkibastyq «Arsha» toby qanjyǵalaryna bailady. I oryndy Tólebi aýdanynan kelgen «Tólebi sazy» folklorlyq ansambli, II oryndy Otyrar aýdanynan kelgen «Otyrar» triosy ielense, III oryn Keles aýdanynyń ónerpazdaryna buiyrdy.
Al, aýdan ákiminiń arnaiy syilyǵy «Sozaq serileriniń» enshisinde ketti. Jeńimpazdar men júldegerlerge qarjylai syi-siiapattar tabystaldy. Jaramazan dástúrine sai ónerpazdar jinalǵan jurtqa aq batalaryn berip, kópshiliktiń ystyq yqylasyna bólendi.
