Túlkibas aýdanynda bilim berý salasy zaman talabyna saı damyp, jas jetkinshekterdiń jan-jaqty bilim alýyna jol ashyp keledi. Búginde aýdanda 18 memlekettik jáne jekemenshik áriptestik sheńberindegi 26 balabaqsha boı kóterip, onda 6560 bala tárbıelenýde. Balalardy qamtý kórsetkishi sońǵy 10 aıda 97,8%-dy  quraǵan.

Búginde aýdandaǵy mektep dırektorlary men balabaqsha meńgerýshileri Elbasynyń «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty Joldaýyn basshylyqqa alyp, jumys isteýde.

Qazirgi tańda Álem Tórtinshi ónerkásiptik revolúsıa dáýirine, tehnologıalyq, ekonomıkalyq jáne áleýmettik salalardaǵy tereń jáne qarqyndy ózgerister kezeńine qadam basýda. Sonydyqtan elimizdegi ustazdardyń jańa tehnologıalyq dáýirde qalaı jumys istep, azamattyq quqyqtaryn qalaı iske asyratyna aıryqsha mán berip otyr.

Sala basshylary ózderi basqaryp otyrǵan bilim berý mekemelerdegi jańa bilim berý baǵdarlamasynyń jańarýy aıasynda muǵalimderdiń óz pedagogıkalyq sheberlikterin jetildirý jáne krıterıaldy baǵalaý júıesi men oqytýdyń belsendi formalaryn engizý, oqýshylarǵa negizgi adamı normalar men moraldi daǵdylandyrý, toleranttylyqqa jáne basqa mádenıetti qurmetteýge kózqarasyn qalyptastyrý, jaýapty jáne deni saý bala tárbıeleýge aıryqsha kóńil bólip otyrǵany anyq.

Sońǵy 27 jylda aýdandaǵy 27 mektep pen 33-dan astam balabaqsha salynyp, qyrýar jumystar atqylyǵanyn baıqaýǵa bolady. Aýdandaǵy oqýshylar zaman talabyna saı elektrondy oqýlyqtar, túrli oqý quraldarmen qamtamasyz etilgen. Osyndaı keshendi jumystardyń arqasynda aýdannyń bilim kórsetkishi jyl saıyn joǵarylap, jaqsy jetistikterge qol jetkizip keledi.

 

Dalanews.kz