Osylaisha bilim uialaryndaǵy eńbek páni muǵalimderiniń kómegimen aýdan basshylyǵy meditsinalyq betperde tigýdi jolǵa qoidy.
Qaiyrymdylyq sharaǵa kirisken aýdandyq mektepterdiń eńbek páni muǵalimderi men tehnikalyq qyzmetkerlerine jergilikti turǵyndar men eriktiler kómekke keldi. Túlkibas aýdanyna jumys saparymen barǵan oblys ákimi Ómirzaq Shókeev mektepten ashylǵan tsehta boldy.
Birneshe ret paidalanýǵa bolatyn qorǵanys quraldaryn tigý úshin bilim uialarynda 200 tigin mashinalary ornatylǵan.
Asanbai Asqarov atyndaǵy orta mekteptiń direktory Shákir Ainaqulov meditsinalyq qorǵanys quraldaryn tigýge muǵalimderdiń ózderi niet bildirip, qol ushyn sozǵanyn aitady.10 jerden ashylǵan shaǵyn tsehtarda bir kúnde 10 myńdai betperde tige alady.
Túlkibas aýdanynyń basshylyǵy atalǵan sharaǵa demeýshiler tartýda. Barlyq qorǵaný quraldaryn jergilikti az qamtylǵan otbasylarǵa tegin taratyp berý kózdelgen. Betperdelerdi tigýge qajetti shikizat jergilikti saýda oryndarynan satyp alynǵan. Sapasy men talapqa sai bolýyn arnaiy sala mamandary baqylaýda ustaidy.
Túrkistan oblysy ákiminiń baspasóz qyzmeti
