وسىلايشا ءبىلىم ۇيالارىنداعى ەڭبەك ءپانى مۇعالىمدەرىنىڭ كومەگىمەن اۋدان باسشىلىعى مەديسينالىق بەتپەردە تىگۋدى جولعا قويدى.
قايىرىمدىلىق شاراعا كىرىسكەن اۋداندىق مەكتەپتەردىڭ ەڭبەك ءپانى مۇعالىمدەرى مەن تەحنيكالىق قىزمەتكەرلەرىنە جەرگىلىكتى تۇرعىندار مەن ەرىكتىلەر كومەككە كەلدى. تۇلكىباس اۋدانىنا جۇمىس ساپارىمەن بارعان وبلىس اكىمى ءومىرزاق شوكەيەۆ مەكتەپتەن اشىلعان سەحتا بولدى.
بىرنەشە رەت پايدالانۋعا بولاتىن قورعانىس قۇرالدارىن تىگۋ ءۇشىن ءبىلىم ۇيالارىندا 200 تىگىن ماشينالارى ورناتىلعان.
اسانباي اسقاروۆ اتىنداعى ورتا مەكتەپتىڭ ديرەكتورى شاكىر ايناقۇلوۆ مەديسينالىق قورعانىس قۇرالدارىن تىگۋگە مۇعالىمدەردىڭ وزدەرى نيەت ءبىلدىرىپ، قول ۇشىن سوزعانىن ايتادى.10 جەردەن اشىلعان شاعىن سەحتاردا ءبىر كۇندە 10 مىڭداي بەتپەردە تىگە الادى.
تۇلكىباس اۋدانىنىڭ باسشىلىعى اتالعان شاراعا دەمەۋشىلەر تارتۋدا. بارلىق قورعانۋ قۇرالدارىن جەرگىلىكتى از قامتىلعان وتباسىلارعا تەگىن تاراتىپ بەرۋ كوزدەلگەن. بەتپەردەلەردى تىگۋگە قاجەتتى شيكىزات جەرگىلىكتى ساۋدا ورىندارىنان ساتىپ الىنعان. ساپاسى مەن تالاپقا ساي بولۋىن ارنايى سالا ماماندارى باقىلاۋدا ۇستايدى.
تۇركىستان وبلىسى اكىمىنىڭ باسپا ءسوز قىزمەتى
