Túrkistan oblysy Túlkibas aýdanynda aýylsharýashylyq óniminiń kólemin ulǵaıtý úshin sýarmaly jerlerdiń aýmaǵy ulǵaıýda.
Osy oraıda sý resýrstaryn paıdalanýdy retteý jáne qorǵaý jónindegi Aral-Syrdarıa baseındik ınspeksıasy Respýblıkalyq memlekettik mekemesinen 2018-2023 jyldar aralyǵyna (jyldyq lımıt) 136,7 mln. m3 aǵyn sýdy paıdalanýǵa ruqsat alyndy. Bul týraly Túrkistan oblysynyń Óńirlik komýnıkasıalar qyzmetinde ótken brıfıńte Túlkibas aýdanynyń ákimi Nurbol Turashbekov málimdedi.
Sondaı-aq, aýdan basshysynyń aıtýynsha, aýyl sharýashylyq salasynyń ónim kólemi 2018 jyldyń 10 aıynyń qorytyndysymen 29 892,2 mln. teńgeni quraǵan.
«Aýdanda et óndirý aǵymdaǵy jyldyń 10 aıynda 13 864,7 tonna, sút - 43 738,3 tonna, jumyrtqa - 14,5 mıllıon danany qurady. Budan ózge, osy kezeńde 165 gektarǵa baý egý josparlansa, meje 156,4 paıyzǵa oryndalyp 258 gektardy qurady. Sonymen qatar, jańǵaq egý 250 gektarǵa josparlanyp, qazirgi tańǵa 257,5 gektar, tańqýraı sharýashylyǵyna 75 gektarǵa josparlansa, 80,9 gektarǵa, júzim baý sharýashylyǵyna 10 gektarǵa josparlanyp, jospar 100 paıyzǵa oryndaldy», - dedi Nurbol Ábdisattaruly.
Túlkibas aýdanynda «Sybaǵa» baǵdarlamasy boıynsha josparda 147 bas satyp alynyp jospar 196 paıyzǵa, «Qulan» baǵdarlamasy boıynsha 164 bas satyp alynyp 155 paıyzǵa, «Altyn asyq» baǵdarlamasy boıynsha 450 bas alynyp 134,7 paıyzǵa ósken.
Sonymen qatar, aýdanda barlyǵy 32 kásiporyn jumys atqarýda. Aǵymdaǵy jyldyń 10 aıynyń qorytyndysy boıynsha ónerkásip salasynda 18 775,5 mln. teńgeniń ónimi óndirilip, naqty kólem ındeksi 102,8 paıyzǵa artty. Al bólshek saýda taýar aınalymy qorytyndysymen 5 799 mln. teńgeni qurap, ótken jyldyń tıisti kezeńimen salystyrǵanda 5,1 paıyzǵa artqan.
«Túlkibas aýdanynda atqarylǵan jumystardyń nátıjesinde 2018 jyldyń 10 aıynyń qorytyndysymen, jalpy óńirlik ónim 60 974,4 mln. teńgeni qurap, jan basyna shaqqanda 550,3 myń teńgege ósti. Sondaı-aq, aýdanǵa tartylǵan ınvestısıalar kólemi 8 129,1 mln. teńgeni qurady. Onyń ishinde 1 653,5 mln. teńge - respýblıkalyq búdjet esebinen, 2 752,6 mln. teńge - jergilikti búdjet esebinen, 3 722,7 mln. teńge - kásiporyndardan jáne halyqtyń óz qarjysy esebinen salynǵan ınvestısıa. 2018 jyldyń qorytyndysymen 13 mlrd.teńgege ınvestısıa tartý josparlanýda», - dep málimdedi Nurbol Turashbekov.
