Jemis túrin kútip, baptaýdy aýdanda 32 sharýashylyq qolǵa alǵan. Jyl sońyna deıin 6 myń tonna «aport» terýge qulshynyp otyrǵan túlkibastyq baǵbandar mejeni byltyrǵydan 2 myń tonnaǵa artyq alýdy boljap otyr. Dámi til úıirer almalar búginde elimizdiń Almaty, Astana, Qaraǵandy qalalary men ózge de oblys, qalalarǵa jóneltilýde. «Aporttyń» alma baýlarynan bosatylý baǵasy kelisine 250 teńgeniń kóleminde.
Jalpy, aýdan aýmaǵynda qazirgi tańda 75 aýyl sharýashylyǵy taýaryn óndirýshi agroqurylym alma baýyn ósirýmen aınalysady. Olardyń deni, biz aıtyp otyrǵan «aport» almasynan bólek, almanyń «Golden delıshes - zolotoı prevoshod» jáne «Aıderet» atty suryptaryn ósiredi. Búginge deıin «Golden delıshes - zolotoı prevoshod» almasynan 4,6 myń tonna terilse, «Aıderetten» 5,4 myń tonna jınalyp otyr.
2017 jyly atalǵan alma túrleriniń jalpy kólemi 23 myń tonnany qurasa, bıylǵy túsim munan da kóp bolmaq. Baý-baqsha baptaýshylar bıyl 5 myń tonnaǵa artyq alma jınap, 28 myń tonnadan astam jemis teremiz dep otyr. Sebebi, bıylǵy aýa-raıy jemis-jıdekke qolaıly bolǵan.
Aıta keteıik, Túlkibas aýdannyńda 3 myń gektardan astam alma baý alqaby bolsa, sonyń 2200 gektary 2007 jyldan beri otyrǵyzylyp kele jatqan jas baýlar. Sonymen qatar, aýdanda az jerden mol ónimdi alýǵa (1 ga jerde 2000 dana kóshetten asa býdandastyrylǵan alma aǵashtary) maqsattalǵan qarqyndy baý sharýashylyqtary damýda. Qazirgi tańda aýdan aýmaǵynda qarqyndy alma baý kólemi 310 ga jetti.
Aýdan boıynsha barlyq sıymdylyǵy 12500 tonnany quraıtyń 7 kókónis, jemis-jıdek saqtaıtyń qoımalar jumys jasaıdy.
Túrkistan oblysy ákiminiń baspasóz qyzmeti
