Jetisý oblysynda týysynyń atynan qosymsha jalaqy alyp júrgen mektep direktory aiyppulmen qutylyp ketti, dep habarlaidy Dalanews.kz.
Jetisý oblysy Sarqan aýdandyq soty kelisý óndirisi tártibinde memlekettik fýnktsiialardy oryndaýǵa ýákiletti tulǵa bolyp tabylatyn mektep direktoryna senip tapsyrylǵan múlikti iemdený jáne ysyrap etý faktisi boiynsha (QK 189-babynyń 3-bóligi 2-tarmaǵy) qylmystyq isti qarady.
Sotta B., mektep direktory bola tura, mektep múlkin jymqyrýǵa baǵyttalǵan qylmystyq oiǵa kelgeni anyqtaldy. 2024 jyly 1 naýryzdan bastap B. nyń buiryǵymen R.-dy kitaphanashy jáne memlekettik mekemeniń menedjeri laýazymyna taǵaiyndaǵan.
Naýryz aiynan maýsym aiyna deiin R. menedjer laýazymy úshin eńbekaqy retinde alǵan 40 000 teńgeni B.-nyń kelininiń banktik shotyna aýdaryp otyrǵan. Al bul qarajatty B. óz qajetine jumsaǵan.
Memleketke 190 000 teńge kóleminde materialdyq zalal keltirilgen. Isti qaraý barysynda aýdan prokýrory men aiyptalýshy arasynda, jábirlenýshi ókiliniń kelisimimen, QR QPK 616-baby tártibinde kináni moiyndaý týraly protsessýaldyq kelisim jasaldy.
Aiyptalýshy, qorǵaýshy jáne jábirlenýshi ókili prokýror usynǵan jaza túri men kólemine kelisip, aiyptalýshyǵa urlanǵan múlik qunynyń on ese mólsherinde 1 900 000 teńge kóleminde aiyppul salý jáne qosymsha jaza taǵaiyndaý týraly sheshim qabyldandy.
Sot qandai jaza taǵaiyndady?
Sot prokýror usynǵan jaza túri men kólemin, aiyptalýshynyń jeke basyn, keltirilgen zalaldyń ótelgenin, jábirlenýshi ókiliniń jazanyń mólsherine qatysty pikirin eskere otyryp, B.-ny QK 189-babynyń 3-bóligi 2-tarmaǵynda kózdelgen qylmystyq quqyqbuzýshylyqty jasaǵany úshin kináli dep tanyp, oǵan 1 900 000 teńge kóleminde aiyppul salý jáne memlekettik qyzmette qyzmet atqarý quqyǵynan ómir boiyna aiyrý jazasyn taǵaiyndady.
Sot úkimi zańdy kúshine engen joq.
