Almaty haiýanattar baǵyndaǵy kýbalyq qoltyraýyn Fidel 40 jasqa toldy, dep habarlaidy dalanews.kz.
Búgin - Almaty haiýanattar baǵynda erekshe kún. Haiýanattar baǵynyń eń tanymal turǵyndarynyń biri kýbalyq qoltyraýyn Fidel 40 jasqa toldy.
Fidel 1986 jyly týǵan. 2001 jyly Riga haiýanattar baǵynan Almaty haiýanattar baǵyna ákelingen. Osy jyldar ishinde ol kelýshiler men qyzmetkerlerdiń erekshe yqylasyna bólendi. Búginde uzyndyǵy shamamen 4 metr bolatyn Fidel - óz túriniń tolyq jetilgen ókili.
Fidelge erekshe syi ázirlendi. Qoltyraýyndar tátti taǵam jemeitindikten, merekelik "tort" onyń súiikti asy - siyr etinen jasaldy.
"Fideldiń jaǵdaiy jaqsy. Ol belsendi, tábeti de jaqsy, mamandardyń turaqty baqylaýynda. Bizdiń haiýanattar baǵynda ótkizgen jyldary ishinde ol Ekzotariýmnyń naǵyz simvolyna ainaldy. Minezi men qylyǵy ábden qalyptasqan, ony qyzmetkerlerimiz jaqsy biledi. Jasy ulǵaiǵanymen, kýbalyq qoltyraýyn úshin 40 jas shek emes. Durys kútim jasalsa, olar budan da uzaq ómir súre alady", – deidi Almaty haiýanattar baǵy Ekzotariým bóliminiń basshysy Aleksandr Gýrnev.
