«Teńizshevroil» kompaniiasy úsh ailyq úzilisten keiin Grýziianyń Batými porty arqyly munai eksportyn qaita bastady, dep habarlaidy dalanews.kz.
Reuters agenttiginiń eki derekkózine súiensek, eksport Kaspii qubyr konsortsiýmy (KQK) arqyly munai jóneltý ýaqytsha toqtaǵannan keiin qaita jandanǵan.
Derekkózderdiń biriniń málimetinshe, Teńiz ken ornynan óndirilgen shamamen 20 myń tonna munai temirjol arqyly Batými portyna jetkizilip, keiin tankerlerge tielip, Qara teńiz arqyly Túrkiia baǵytyna jóneltilgen.
Al «Teńizshevroil» kompaniiasy bul aqparatqa qatysty kommertsiialyq qyzmetine bailanysty túsinikteme berýden bas tartty.
Eske salsaq, 30 shildede Kaspii qubyr konsortsiýmy terminaly mańynda dron shabýylynan keiin TShO munaiyn tasymaldaǵan tankerde órt shyqqany habarlanǵan bolatyn. Keiin Qazaqstannyń Energetika ministrligi jaǵdaiǵa qatysty pikir bildirip, shabýyl saldarynan munai tógilmegenin málimdegen edi.
