«Teńizshevroil» (TShO) kompaniiasy 2026 jyldyń qorytyndysy boiynsha 40 mln tonnaǵa deiin munai óndirýdi josparlap otyr, dep habarlaidy dalanews.kz.
Bul týraly QR Energetika ministri Erlan Aqkenjenovtiń Atyraý oblysyna jumys saparynan keiin Energetika ministrligi habarlady.
Ministrliktiń málimetinshe, Teńiz ken ornyn keńeitýdiń eń iri kezeńi aiaqtalyp, kásiporyn jobalyq qýatyna shyqqan. Qazirgi ýaqytta táýliktik munai óndirý kólemi shamamen 120 myń tonnany quraidy.
Vedomstvonyń dereginshe, keńeitý jobasy aiasynda 2024–2025 jyldary jańa óndiristik nysandar paidalanýǵa berilgen. Al 2025 jyldyń qańtarynda Úshinshi býyn zaýytynda alǵashqy munai óndirildi. Qazir keńeitý jumystary tolyq aiaqtalyp, jańa óndiristik qýattar josparlanǵan deńgeige jetken.
2026 jyldyń alǵashqy jartyjyldyǵynda TShO 16,6 mln tonna munai óndirgen.
Energetika ministri Erlan Aqkenjenov kompaniiadan jyl sońyna deiin jariialanǵan óndiris kólemine qol jetkizý boiynsha naqty is-sharalary kórsetilgen aiqyn jospar kútetinin aitty.
«Biz TShO-dan jyl sońyna deiin málimdelgen munai óndirý kólemine qol jetkizý úshin naqty is-sharalar qamtylǵan jospar kútemiz», – dedi ministr.
TShO aktsionerleri
- Chevron – 50%
- «QazMunaiGaz» UK» AQ – 20%
- ExxonMobil Kazakhstan Ventures Inc. – 25%
- «Lýkoil» – 5%
