Ortalyq Azıa men Kavkaz elderi Donald Tramptyń geosaıası oıynyna tartylýy múmkin, dep habarlaıdy Dalanews.kz.
Reuters agenttiginiń málimetinshe, Aq úıdiń qojaıyny aımaq elderin Izraılmen jaqyndastyratyn “Avraam kelisimderine” qosýǵa nıetti. Tramp bul kelisimderdi alǵash prezıdenttik merziminde bastaǵan edi. Onyń aıasynda 2020–2021 jyldary birqatar ıslam memleketi Izraılmen dıplomatıalyq qarym-qatynasty qalypqa keltirgen.
Qazir Aq úı osy kelisimdi keńeıtýge kúsh salyp jatyr. Tramptyń tizimindegi negizgi úmitker – Ázerbaıjan. Agenttiktiń bes birdeı derekkózi amerıkalyqtar ázerbaıjandyq sheneýnikter arqyly Ortalyq Azıanyń da tamyryn basyp kórgenin aıtady. Tramp komandasynyń nazary Qazaqstanǵa da túsken.
Negizi, Ortalyq Azıa elderiniń Tel-Avıvpen saýda-ekonomıkalyq, dıplomatıalyq baılanysy burynnan bar. Sondyqtan Qazaqstannyń kelisimge qosylýy sımvoldyq sıpaty basym saıası qadam bolmaq. Onyń artynda Saýd Arabıasyna qysym jasaý nıeti de baıqalady.
Reuters naqty qandaı elderdiń Izraılmen kelissóz júrgizip jatqanyn ashyq jazbady. AQSH Memlekettik departamenti de osyǵan qatysty ázirge anyq jaýap bergen joq. Biraq vedomstvo ókilderi “Avraam kelisimderiniń” keńeıýi Tramp ákimshiliginiń syrtqy saıasattaǵy basty basymdyǵynyń biri ekenin rastap otyr.
