AQSh Qazaqstanǵa qatysty ózara saýda bajdaryn engizýde, dep habarlaidy Dalanews.kz.
Astana ýaqyty boiynsha beisenbige qaraǵan túni Aq úi jariialaǵan tizimge sáikes, AQSh Qazaqstannan ákelinetin taýarlarǵa 27% mólsherinde kedendik baj salyǵyn engizbek. Bul kórsetkish jeńildikterdi eskere otyryp eseptelgen.
Sonymen qatar kestedegi derekterge súiensek, Qazaqstan AQSh-qa qatysty 54% mólsherinde baj salyǵyn qoldanady. Bul sheshim valiýtaǵa jasalatyn manipýliatsiialar men saýda kedergilerin eskerýmen qabyldanǵan.
Áitse de shamamen 200 el qamtylǵan bul tizimde Resei joq.
Aita keteiik, AQSh prezidenti Donald Tramp saýda tapshylyǵyna bailanysty elde tótenshe jaǵdai engizý týraly jarlyqqa qol qoidy.
Jarlyqqa sáikes, 5 sáýirden bastap 10% mólsherindegi minimaldy bazalyq kedendik baj salyǵy engiziledi. Alaida bul talap 5 sáýirge deiin kemelerge tielip, sońǵy tranzit kezeńinde turǵan taýarlarǵa qoldanylmaidy. Sonymen qatar keibir elderge qatysty “aina” tarifteri 9 sáýirden bastap kúshine enedi.
Jańa tarifter qoldanystaǵy baj salyǵy men alymdardy tolyqtyrady. Degenmen keibir taýarlarǵa bul ózgeris áser etpeidi. Atap aitqanda, bolat pen aliýminii ónimderine, sondai-aq kólikter men avtokóliktiń qosalqy bólshekterine salynatyn 25%-dyq baj salyǵy 3 sáýirden bastap kúshine enedi. Sonymen qatar mundai tarifter mys, farmatsevtikalyq preparattar, jartylai ótkizgishter, aǵash ónimderi, mańyzdy paidaly qazbalar, energiia men energoresýrstarǵa qoldanylmaidy.
Tramptyń jarlyǵynda AQSh-tyń saýda tapshylyǵy ótken jyly 1,2 trln dollardy quraǵany atap kórsetilgen. CNN-niń habarlaýynsha, tótenshe jaǵdai engizilýi prezidentke tarifterdi retteý boiynsha keńeitilgen ókilettikter beredi.
Sonymen qatar Tramp basqa memleketter qarsy sharalar qabyldaǵan jaǵdaida nemese AQSh-taǵy óndiristik qýattar men ónim kólemi odan ári tómendese, baj salyǵynyń mólsherin jáne qoldanylý aiasyn ózgertý quqyǵyn ózine qaldyrdy.
