AQSh prezidenti Donald Tramp Irannyń áskeri-teńiz kúshteri tolyq joiylǵanyn málimdedi, dep habarlaidy Dala News.
Onyń aitýynsha, teńizdegi operatsiialar nátijesinde Iran flotynyń 158 kemesi joiylǵan.
Sonymen qatar Tramp Irannyń «jyldam shabýyl jasaityn shaǵyn qaiyqtary» ádeii nysanaǵa alynbaǵanyn aitty.
«Biz olardy eleýli qaýip dep sanamadyq», – dedi ol.
AQSh basshysy kez kelgen kúdikti qozǵalysqa qatysty qatań eskertý jasady.
«Eger bul qaiyqtardyń biri bizdiń blokadaǵa jaqyndasa, ol birden joiylady. Biz esirtki tasymaldaýshylarǵa qarsy qoldanatyn júieni paidalanamyz. Bul – tez jáne qatal», – dedi Tramp.
Sondai-aq ol teńiz arqyly AQSh-qa keletin esirtkiniń 98,2%-y toqtatylǵanyn málimdedi.
Tramptyń bul málimdemesi AQSh pen Iran arasyndaǵy shielenistiń kúsheigen tusynda aitylyp otyr.
