Belsendi, halyqaralyq sholýshy Qýanysh Edilhantegi áleýmettik jelidegi paraqshasynda AQSh prezidenti Donald Tramptyń Irandaǵy jaǵdaiǵa bailanysty jasaǵan sońǵy málimdemesine nazar aýdaryp, óńirde soǵys qaýpi kúrt artqanyn aitty, dep habarlaidy Dalanews.kz.
Onyń jazýynsha, Tramp Iran halqyn ashyq túrde bilikke qarsy shyǵýǵa shaqyryp, irandyq sheneýniktermen barlyq bailanysyn toqtatatynyn málimdegen.
«Irandyq patriottar, narazylyqty jalǵastyryńyzdar - óz mekemelerińizdi basyp alyńyzdar!!! Kisi óltirýshiler men zorlyq-zombylyq jasaýshylardyń esimderin este saqtańyzdar. Olar aýyr baǵa tóleitin bolady. Narazylyq bildirýshilerdi maǵynasyz óltirý toqtamaǵansha, men irandyq sheneýniktermen barlyq kezdesýlerdi toqtattym. Kómek jolda. MAGA», - dep jazdy Donald Tramp.
Qýanysh Edilhanteginiń pikirinshe, bul málimdeme AQSh-tyń sheshim qabyldaǵanyn bildiredi.
«Iaǵni sheshim qabyldandy. Búgin, ne erteń túnde AQSh soqqy jasaidy, 48 saǵattyń ishinde belgili bolady», - dep jazady ol.
Iran men Reseidiń reaktsiiasy
Sholýshynyń jazýynsha, Tramptyń málimdemesine Iran birden jaýap bergen.
«Irannyń reaktsiiasy: Biz Izraildi bombalaimyz, AQSh bazalaryn bombalaimyz», - dep keltiredi ol.
Al Resei tarapy bul jaǵdaidy syrtqy aralasý retinde baǵalap otyr.
«Zaharova: Resei Irandaǵy ishki saiasi úderisterge syrttan jasalyp otyrǵan búldirgish aralasýdy qatań aiyptaidy. Iranǵa qarsy baǵyttalǵan syrtqy kúshter "túrli-tústi revoliýtsiialar" ádisterin qoldana otyryp, iran memlekettiligin kúiretýge tyrysyp jatyr», - dep jazady Edilhantegi.
Irandaǵy jaǵdai: adam shyǵyny myńnan asady
Qýanysh Edilhanteginiń dereginshe, qazir Iranda halyqtyq qarsylyq aktsiialary toqtaǵan joq, al bilik kúsh qoldaný tásiline kóshken.
«Qarsylyq aktsiiasy jalǵasyp jatyr. Aiatolla kúsh qoldanýǵa kiristi. Halyq jaǵynda esh qarý joq, úkimet jaǵy tolyqtai qarýlanǵan», - deidi ol.
Onyń málimetinshe, adam shyǵyny óte kóp bolýy múmkin.
«600-den 12 myń adamǵa deiin ólgen degen aqpar bar. Bilik jaǵy, árine, kemitip kórsetedi, alaida morgterde oryn joq, adamdar múrdesi kóshelerde jatyr», - dep jazady sholýshy.
Ol Iran qalalarynda qorqytý taktikasy qoldanylyp jatqanyn da atap ótti.
«Tipti nómirlerin alyp tastaǵan mashinalar kóshe qiylystarynda kez kelgen adamdardy atyp ketip jatyr eken. Maqsaty - qorqytý», - deidi Qýanysh Edilhantegi.
Internet óshirilgen, Starlink buǵattalýda
Sholýshynyń aitýynsha, qazirgi kóterilis burynǵylardan aýqymymen erekshelenedi.
«Búkil Iran halqy kóshege shyqqan, burynǵy qarsylyqtarǵa qatyspai qalǵandar da tolyq shyqqan», - dep jazady ol.
Sonymen qatar, bilik aqparattyq oqshaýlaý júrgizip jatyr.
«Internet tolyqtai óshirilgen. Starlinkterdi Qytai, RF mamandary óshirip tastaýǵa tyrysyp jatyr. Kóp jerlerde isten shyǵarylǵan, degenmen de azdy-kópti jerlerde bar», - deidi halyqaralyq sholýshy.
Eske salaiyq, munyń aldynda Tramp Iranmen jumys isteitin elderge 25% baj salyǵyn engizetinin málimdegen bolatyn.
Al ekonomist Baýyrjan Shýrmanovtyń pikirinshe, AQSh pen Iran arasyndaǵy qaqtyǵys munai baǵasyn ósirýi múmkin.
