AQSh prezidenti Donald Tramp Vashington Iran biliginiń áreketterin muqiiat baqylap otyrǵanyn málimdedi. Onyń aitýynsha, aimaqqa amerikalyq áskeri kemelerdiń edáýir bóligi jiberilip jatyr, dep habarlaidy Dalanews.kz.
Aq úi basshysy bul týraly jýrnalisterge bergen túsiniktemesinde aitty. Málimdemeniń beinejazbasy Aq úidiń YouTube-arnasynda jariialanǵan.
«Bul baǵytqa saqtyq úshin kóp keme bet alyp barady. Úlken flot qozǵala bastady. Ne bolatynyn kóreiik. Iranǵa qarai eleýli kúshter jiberilip jatyr», — dedi Tramp.
Sonymen qatar, AQSh prezidenti jaǵdaidyń ýshyqqanyn qalamaitynyn jetkizdi.
Irandaǵy jaǵdai
Jeltoqsan aiynyń sońy men qańtardyń alǵashqy jartysynda Iranda aýqymdy jappai narazylyqtar ótken. Sherýge shyqqandar eldegi saiasi rejimdi ózgertýdi talap etken.
Osy kezeńde Donald Tramp eger Iran biligi narazylyq bildirýshilerdi atýyn toqtatpasa, áskeri soqqy jasaý múmkin ekenin eskertken bolatyn.
