Reseige qatysty sanktsiialyq rejimi taǵy bir jylǵa uzartyldy. Bul rejim alǵash ret AQSh-tyń burynǵy prezidenti Barak Obama biligi tusynda, 2014 jyly Máskeý Qyrymdy anneksiialaǵannan keiin engizilgen bolatyn. Tiisti qujat AQSh-tyń Federaldy tiziliminde jariialandy, dep habarlaidy Dalanews.kz.
AQSh prezidenti Donald Tramp Ýkraina boiynsha kelissózder jalǵasyp jatqanyna qaramastan, sanktsiialardyń qoldanylý merzimin uzartý týraly sheshim qabyldady.
Atalǵan sanktsiialyq «tótenshe jaǵdai rejimi» Ýkrainadaǵy demokratiialyq protsester men institýttarǵa nuqsan keltirgen, sondai-aq onyń beibitshiligine, qaýipsizdigine, egemendigi men aýmaqtyq tutastyǵyna qaýip tóndirgen jeke jáne zańdy tulǵalardyń aktivterin buǵattaýǵa múmkindik beredi.
Resei men Ýkraina arasyndaǵy soǵysty beibit jolmen retteý máselesine qatysty konsýltatsiialar Jeneva qalasynda 17–18 aqpan kúnderi ótti. Resei delegatsiiasynyń basshysy Vladimir Medinskii bul kezdesýlerdi «aýyr, biraq iskerlik sipatta ótti» dep baǵalady. Onyń aitýynsha, kelissózderdiń kelesi kezeńi jaqyn ýaqytta ótedi, alaida naqty merzimi ázirge aitylǵan joq.
