AQSh prezidenti Donald Tramp qatysqan keshte oq atqan er adam quqyq qorǵaý organdaryna óziniń naqty nysanasyn aitqan. Ol Donald Tramptyń ózi emes, onyń ákimshiligindegi sheneýnikterdi kózdegenin málimdegen, dep habarlaidy Dalanews.kz.
Tergeý deregine sáikes kúdikti ustalǵannan keiin Donald Tramp ákimshiligi ókilderine oq atýdy josparlaǵanyn jetkizgen. Alaida onyń naqty prezidenttiń ózin nysanaǵa alǵany rastalmaǵan.
Oqiǵany jasaǵan adam - Kaliforniia shtatynyń turǵyny, 31 jastaǵy Koýl Allen. Ol Torrans qalasynda muǵalim bolyp jumys istegen. Ashyq derekke qaraǵanda, Koýl Allen 2017 jyly Kaliforniia tehnologiialyq institýtyn mashina jasaý mamandyǵy boiynsha támamdap, keiin kompiýterlik ǵylymdar baǵytynda magistr dárejesin alǵan.
Sondai-aq, ol 2024 jyly Kamala Harristiń prezidenttik naýqanyna 25 dollar kóleminde qarjy aýdarǵany belgili boldy.
Quqyq qorǵaý organdary bul iske basqa adamdardyń qatysy joq degen pikirde. Aldyn ala boljam boiynsha kúdikti Washington Hilton qonaqúiiniń qonaǵy bolǵan. Kórshileriniń aitýynsha, onyń psihikalyq jaǵdaiynda máseleler bolýy múmkin.
Kúdikti senbi kúni keshke Vashingtondaǵy Washington Hilton qonaqúiinde ótken Aq úi tilshileriniń keshine kireberiste ustaldy. Is-sharaǵa Donald Tramp, birinshi hanym Melaniia Tramp jáne vitse-prezident Djei Di Vens qatysqan.
Donald Tramptyń aitýynsha, oqiǵa kezinde qaýipsizdik qyzmetiniń bir qyzmetkeri jaralanǵan.
