Respýblikashylar atynan úmitker Donald Tramp AQSh prezidentin sailaýda jeńiske jetti. Alaida ol birden resmi túrde prezident bolmaidy, - dep habarlaidy Dalanews.kz.
Qoldanystaǵy erejelerge sáikes AQSh prezidenti retinde Tramp óz mindetterin 2025 jylǵy 20 qańtarda bastaidy.
Sol kúni saltanatty ant berý rásimin qamtityn AQSh Prezidentiniń inaýgýratsiiasy ótedi. Dástúr boiynsha bul qoǵamdyq is-shara Vashingtonda ótedi, bul kezde jańa prezident sóz sóileidi. Inaýgýratsiiaǵa orai saltanatty sherý men bal uiymdastyrylady.
Eske salaiyq, búgin AQSh-taǵy prezident sailaýynyń aldyn ala nátijesi shyqty. Amerika Qurama Shtattaryndaǵy prezident sailaýynyń jeńimpazy - Donald Tramp.
Fox News málimetinshe, Tramp 277 daýys aldy, bul onyń prezident sailaýynda jeńiske jetkenin bildiredi.
The Hill basylymy da Donald Tramp sailaýda jeńiske jetkenin málimdedi. Tramp Pensilvaniia men Aliaskada da kósh bastaǵan.
Bul derekterdi sońǵy nátije dep sanaýǵa bolmaidy, óitkeni daýys sanaý birneshe kúnge sozylýy múmkin.
Aita keteiik, buǵan deiin L.N. Gýmilev atyndaǵy Eýraziia ulttyq ýniversiteti Saiasattaný kafedrasynyń meńgerýshisi m.a. Janat Momynqulov Dalanews.kz-ke suhbat berip, sailaý nátijeleri týraly boljam jasady.
"Tramp álemdik saiasatta oiyp turyp oryn alady. Onyń ústine qazirgidei daǵdarys, soǵys jaǵdaiynda onyń is-qimyly - bári óte mańyzdy. Biraq Harris qalǵan jaǵdaida Amerikanyń osy saiasaty jalǵasa beredi. Qytaiǵa, Reseige, Iranǵa qatysty shekteý, tejeý saiasaty júredi.
Meniń oiymsha, Harristiń jeńisine qýanamyz. Al Tramp keletin bolsa, Reseimen qarym-qatynasyndaǵy ózgerister Ortalyq Aziiaǵa, bizge salqyn áser etedi. Bári ainalyp kelgende halyqaralyq júiege áser etedi. Biz boljap bolmaityn oqiǵalar bastalyp ketýi múmkin. Harris Ortalyq Aziiaǵa jańa bir kózqaras tanytýy múmkin, ol - Aq úidiń mańyndaǵy biýrokrattardyń ókili, turaqtylyqtyń "garantiiasy". Al Tramp kelse, Ýkrainadaǵy jaǵdai uzaqqa sozylatyn daýǵa ainalýy múmkin. Sondyqtan, meniń oiymsha, Harristiń kelgeni Qazaqstanǵa tiimdi. Ortalyq Aziiaǵa tikelei áseri bolmasa da, sheshimderi arqyly ainalyp kelgende áseri bolady", - dedi ol.
