AQSh prezidenti Donald Tramp Resei prezidenti Vladimir Pýtinmen telefon arqyly sóilesti. Bul týraly reseilik aqparat agenttikteri Pýtinniń kómekshisi Iýrii Ýshakovqa silteme jasap málimdedi, dep habarlaidy Dalanews.kz.
Ýshakovtyń aitýynsha, eki el basshysy halyqaralyq jaǵdaiǵa bailanysty birqatar mańyzdy máselelerdi talqylaǵan.
"Búgin keshke Resei men AQSh prezidentteri telefon arqyly sóilesti. Donald Tramp Vladimir Vladimirovich Pýtinge qońyraý shalyp, halyqaralyq ahýaldyń qazirgi damýyna qatysty birqatar mańyzdy taqyryptardy talqylady", – dep onyń sózin «Interfaks» agenttigi keltiredi.
Ýshakovtyń málimetinshe, áńgimeniń negizgi bóligi Iran tóńiregindegi qaqtyǵys jaǵdaiyna jáne AQSh ókilderiniń qatysýymen ótip jatqan Ýkraina máselesin retteý jónindegi úshjaqty kelissózderge arnaldy.
Áńgime shamamen bir saǵatqa sozylǵan.
