اقش پرەزيدەنتى دونالد ترامپ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى. بۇل تۋرالى رەسەيلىك اقپارات اگەنتتىكتەرى ءپۋتيننىڭ كومەكشىسى يۋريي ۋشاكوۆقا سىلتەمە جاساپ مالىمدەدى، دەپ حابارلايدى Dalanews.kz.
ۋشاكوۆتىڭ ايتۋىنشا، ەكى ەل باسشىسى حالىقارالىق جاعدايعا بايلانىستى ءبىرقاتار ماڭىزدى ماسەلەلەردى تالقىلاعان.
"بۇگىن كەشكە رەسەي مەن اقش پرەزيدەنتتەرى تەلەفون ارقىلى سويلەستى. دونالد ترامپ ۆلاديمير ۆلاديميروۆيچ پۋتينگە قوڭىراۋ شالىپ، حالىقارالىق احۋالدىڭ قازىرگى دامۋىنا قاتىستى ءبىرقاتار ماڭىزدى تاقىرىپتاردى تالقىلادى"، – دەپ ونىڭ ءسوزىن «ينتەرفاكس» اگەنتتىگى كەلتىرەدى.
ۋشاكوۆتىڭ مالىمەتىنشە، اڭگىمەنىڭ نەگىزگى بولىگى يران توڭىرەگىندەگى قاقتىعىس جاعدايىنا جانە اقش وكىلدەرىنىڭ قاتىسۋىمەن ءوتىپ جاتقان ۋكراينا ماسەلەسىن رەتتەۋ جونىندەگى ءۇشجاقتى كەلىسسوزدەرگە ارنالدى.
اڭگىمە شامامەن ءبىر ساعاتقا سوزىلعان.
