Ýkraina prezidenti Vladimir Zelenskii jeksenbi kúni Florida shtatyna kelip, AQSh prezidenti Donald Tramppen kezdesti. Kezdesýde Reseimen qaqtyǵysty toqtatý jospary talqylandy, dep habarlaidy Dalanews.kz.
Donald Tramp pen Vladimir Zelenskii Tramptyń Mar-a-Lago rezidentsiiasynda bir-birimen amandasqannan keiin, kelissózder bastalar aldynda jýrnalisterdiń suraqtaryna jaýap berdi.
Tramp «kelisimge kelýge barlyq alǵyshart bar» ekenin aityp, Resei men Ýkraina da berik ári turaqty beibitshilik ornatýǵa óte baiypty nietti ekenin málimdedi.
Zelenskii kezdesý 20 tarmaqtan turatyn jospardy ilgeriletýge arnalǵanyn aitty. Sondai-aq ol aýmaqtyq ymyralar máselesi de talqylanatynyn atap ótti.
Kezdesýden keiin taraptar eýropalyq kóshbasshylarmen telefon arqyly sóilesedi dep kútilýde. Sonymen qatar Tramp kelissózderdi jalǵastyrý úshin Resei prezidenti Vladimir Pýtinge de qońyraý shalatynyn jetkizdi.
Jýrnalisterge Mar-a-Lagoda ótip jatqan ekijaqty kezdesýdiń zalyna qysqa ýaqytqa kirýge ruqsat berildi.
Bul kezdesý Tramp ótken aida alǵash usynǵan 28 tarmaqtan turatyn bastapqy beibitshilik josparyndaǵy olqylyqtardy joiýǵa baǵyttalǵan. Keiin Ýkraina bul qujatty qaita qarap, 20 tarmaqqa deiin qysqartqan. Qazirgi ýaqytta amerikalyq ókilder Ýkraina men Resei de kelisýge bolatyn beibit kelisimdi túpkilikti ázirleý úshin qarqyndy jumys júrgizip jatyr.
