AQSh prezidenti Ormýz buǵazynda turyp qalǵan sheteldik kemelerdi shyǵarý bastamasy týraly málimdedi, dep habarlaidy dalanews.kz.
«Álemniń kóptegen elderi, olardyń basym bóligi Taiaý Shyǵystaǵy qaqtyǵysqa qatysy joq, AQSh-qa júginip, Ormýz buǵazynda turyp qalǵan kemelerin bosatýǵa kómektesýdi surady. Bul kemelerdiń bolyp jatqan oqiǵalarǵa esh qatysy joq, olar tek beitarap jáne kinásiz taraptar».
Onyń aitýynsha, AQSh bul kemelerdiń qaýipsiz ótýin qamtamasyz etýge daiyn.
«Irannyń, Taiaý Shyǵystyń jáne AQSh-tyń igiligi úshin biz bul elderge olardyń kemelerin súiemeldep, qaýipsiz túrde osy shekteýli sý joldarynan shyǵaryp, qyzmetin jalǵastyrýyna kómektesetinimizdi habarladyq. Taǵy da atap ótemin: bul – qazirgi jaǵdaiǵa qatysy joq elderdiń kemeleri».
Tramp bul bastamany «Erkindik proektisi» dep atady.
«Bul protsess dúisenbi kúni tańerteń bastalady. Men ókilderimniń Iranmen óte oń kelissózder júrgizip jatqanyn bilemin jáne bul barlyq tarap úshin oń nátije berýi múmkin. Bul – esh kinási joq adamdarǵa, kompaniialarǵa jáne elderge kómektesýge baǵyttalǵan gýmanitarlyq qadam».
Sondai-aq ol keibir kemelerde azyq-túlik tapshylyǵy baiqalyp otyrǵanyn aitty.
«Kóptegen kemelerde ekipaj úshin qajetti azyq-túlik pen resýrstar taýsylyp jatyr. Bul – barsha taraptyń izgi nietin kórsetetin mańyzdy qadam bolady».
AQSh prezidenti operatsiiaǵa kedergi keltirilgen jaǵdaida jaýap bolatynyn da eskertti.
«Eger bul gýmanitarlyq protseske qandai da bir túrde kedergi jasalsa, ókinishke qarai, oǵan kúshpen jaýap beriledi», – dedi Donald Tramp.
