AQSh prezidenti Donald Tramp álemdik munai tasymaly úshin asa mańyzdy Ormýz buǵazynyń ataýyn "Tramp buǵazy" dep ózgertýdi usyndy. Ol bul bastamasyn Truth Social jelisindegi paraqshasynda jariialaǵan, dep habarlaidy dalanews.kz.
"Endi buǵaz AQSh-tyń baqylaýynda bolǵandyqtan, Ormýz buǵazynyń ataýyn "Tramp buǵazy" dep ózgertkenimiz jón be?" dep jazdy Amerika prezidenti.
Keiin Aq úi de Tramptyń usynysy men buǵazdyń jańa ataýy kórsetilgen kartany áleýmettik jelide bólisti.
Aita keteiik, buǵan deiin amerikalyq kúshter Ormýz buǵazy mańyndaǵy Irannyń zymyran qondyrǵylaryna soqqy bergen edi. AQSh áskeri atalǵan nysandar teńiz jolyna mina ornalastyrýǵa daiyndalǵanyn málimdedi. Al Iran shabýyldy agressiia dep baǵalap, óńirdegi amerikalyq nysandarǵa jaýap soqqysyn jasaǵanyn habarlady.
Qaqtyǵys saldarynan buǵaz arqyly ótetin kommertsiialyq kemelerge tóngen qaýip te kúsheidi. 31 tamyzǵa qaraǵan túni Saýd Arabiiasynyń munaiyn tasymaldaǵan eki tankerge belgisiz snariadtar túsken. Solardyń biri – SIDR kemesine jasalǵan shabýyldan eki filippindik teńizshi qaza tapty.
