اقش پرەزيدەنتٸ دونالد ترامپ ەلەمدٸك مۇناي تاسىمالى ٷشٸن اسا ماڭىزدى ورمۋز بۇعازىنىڭ اتاۋىن "ترامپ بۇعازى" دەپ ٶزگەرتۋدٸ ۇسىندى. ول بۇل باستاماسىن Truth Social جەلٸسٸندەگٸ پاراقشاسىندا جارييالاعان, دەپ حابارلايدى dalanews.kz.
"ەندٸ بۇعاز اقش-تىڭ باقىلاۋىندا بولعاندىقتان, ورمۋز بۇعازىنىڭ اتاۋىن "ترامپ بۇعازى" دەپ ٶزگەرتكەنٸمٸز جٶن بە?" دەپ جازدى امەريكا پرەزيدەنتٸ.
كەيٸن اق ٷي دە ترامپتىڭ ۇسىنىسى مەن بۇعازدىڭ جاڭا اتاۋى كٶرسەتٸلگەن كارتانى ەلەۋمەتتٸك جەلٸدە بٶلٸستٸ.
ايتا كەتەيٸك, بۇعان دەيٸن امەريكالىق كٷشتەر ورمۋز بۇعازى ماڭىنداعى يراننىڭ زىمىران قوندىرعىلارىنا سوققى بەرگەن ەدٸ. اقش ەسكەرٸ اتالعان نىساندار تەڭٸز جولىنا مينا ورنالاستىرۋعا دايىندالعانىن مەلٸمدەدٸ. ال يران شابۋىلدى اگرەسسييا دەپ باعالاپ, ٶڭٸردەگٸ امەريكالىق نىساندارعا جاۋاپ سوققىسىن جاساعانىن حابارلادى.
قاقتىعىس سالدارىنان بۇعاز ارقىلى ٶتەتٸن كوممەرتسييالىق كەمەلەرگە تٶنگەن قاۋٸپ تە كٷشەيدٸ. 31 تامىزعا قاراعان تٷنٸ ساۋد ارابيياسىنىڭ مۇنايىن تاسىمالداعان ەكٸ تانكەرگە بەلگٸسٸز سناريادتار تٷسكەن. سولاردىڭ بٸرٸ – SIDR كەمەسٸنە جاسالعان شابۋىلدان ەكٸ فيليپپيندٸك تەڭٸزشٸ قازا تاپتى.
