"Sýperseisenbidegi" partiialar arasyndaǵy irikteýden Tramp alty shtat boiynsha, Klinton — jeti shtat boiynsha jeńiske jetti.
AQSh prezidenttigine Respýblikalyq jáne Demokratiialyq partiialar atynan úmitkerler Donald Tramp pen Hillari Klinton sailaý aldyndaǵy jarysta liderler bolyp qaldy.
"Sýperseisenbi" dep atalatyn aldyn ala nátije boiynsha senator Tramp alǵashqy sailaýda (praimeriz) alty shtat boiynsha, al burynǵy memlekettik hatshy Klinton — jeti shtat boiynsha jeńiske jetti.
Respýblikalyq-senator Ted Krýz óziniń týyp-ósken Tehas shtatynda jáne Oklahoma shtatynda alǵa shyǵyp, Tramptyń basty qarsylasy boldy. Florida shtatynan shyqqan senator Marko Rýbio bolsa, Minnesot shtatynda ǵana birinshi boldy.
Al Klintonnyń basty qarsylasy senator Berni Sanders Vermont jáne Kolorado, Minnesot pen Oklahoma shtattarynda alǵa shyqqan.
"Sýperseisenbide" praimeriz ben partiialyq jiyndaǵy daýys berý 12 shtat boiynsha ótti. Nátijesi boiynsha Respýblikalyq jáne Demokratiialyq partiia atynan eń kóp daýys alǵandar AQSh prezidenttigine basty úmitkerler bolady.
