AQSh prezidenti Donald Tramp Iranǵa qarsy josparlanǵan áskeri soqqylardyń toqtatylǵanyn málimdedi. Onyń aitýynsha, Tegeranmen júrgizilip jatqan kelissózderde aitarlyqtai ilgerileý baiqalady, dep habarlaidy dalanews.kz.
Tramptyń sózinshe, bolashaq kelisimniń negizgi sharttary AQSh-pen birge Izrail, Saýd Arabiiasy, Birikken Arab Ámirlikteri, Qatar, Túrkiia, Pákistan, Bahrein, Kýveit, Iordaniia, Mysyr jáne ózge de múddeli taraptarmen aldyn ala kelisilgen. Sonymen qatar Ormýz buǵazyndaǵy teńiz blokadasy túpkilikti bitimge qol jetkizilgenge deiin kúshinde qalmaq. Kelisimge qashan jáne qai jerde qol qoiylatyny aldaǵy kúnderi belgili bolady.
AFP agenttiginiń málimetinshe, Tramp jýrnalisterge bergen suhbatynda qujatqa osy demalys kúnderi Eýropada qol qoiylýy múmkin ekenin aitty. Alaida Aq úi basshysy rásimge ózi qatyspaitynyn jetkizdi.
14 maýsymda 80 jasqa tolýyna bailanysty kelisimge qol qoiý sharasynda AQSh atynan vitse-prezident Djei Di Vens qatysýy yqtimal.
Soǵan qaramastan, Iran biligi bul másele boiynsha ázirge túpkilikti sheshim qabyldanbaǵanyn málimdedi.
