AQSh prezidenti Donald Tramp Túrkiia prezidenti Rejep Taiyp Erdoǵannan Resei men Ýkraina arasyndaǵy soǵysty toqtatýǵa deldal bolýyn ótindi. Bul týraly Hurriyet basylymy habarlady, dep habarlaidy Dalanews.kz.
Basylym Tramptyń sózine silteme jasap, Erdoǵannyń Vladimir Pýtinmen (Resei) de, Vladimir Zelenskiimen (Ýkraina) de kezdesýge qaýqarly kóshbasshy ekenin atap ótti.
— Ol tutqyndardy almastyrý protsesine jáne astyq dáliziniń ashylýyna yqpal etti. Stambulda ótken kelissózder kezinde taraptar mámilege kelgen edi. Eger Ýkraina Ulybritaniia men AQSh qysymynyń áserinen kelissóz ústelinen ketpegende, Túrkiia soǵystyń alǵashqy úsh aiynda-aq beibit kelisimge qol jetkizer edi. Qalai bolǵanda da, bul kezeń artta qaldy. Erdoǵan bul deldaldyq usynysty oń qabyldaǵany aitylyp otyr, — dep jazady Hurriyet.
Tramptyń bastamasy qazirgi ýaqytta halyqaralyq qoǵamdastyqtyń soǵysty beibit jolmen sheshýge degen múddesiniń qaita kúsheie túskenin kórsetedi.
