AQSh prezidenti Donald Tramp Respýblikashyl partiia aldaǵy qarasha aiynda ótetin aralyq sailaýda jeńiske jetetinine senim bildirdi. Sonymen qatar ol partiia Kongrestiń eki palatasynda da basymdyqqa ie bolsa, amerikalyqtarǵa qarjylai tólem jasalatynyn málimdedi, dep habarlaidy dalanews.kz.
Tramp bul týraly Tehas shtatynda ótken Respýblikashyl partiianyń sezinde sóilegen sózinde aitty.
«Eger Respýblikashyl partiia Ókilder palatasy men AQSh Senatyndaǵy sailaýda jeńiske jetip, Kongrestiń eki palatasyn da baqylaýyna alsa, sizder de bizben birge jeńiske jetesizder. Men AQSh-tyń árbir kámeletke tolǵan azamatyna 5 myń dollar kóleminde dividend tóleimin», – dedi Donald Tramp.
Ol mundai tólemderdiń naqty qandai qarajat kózinen beriletini jáne baǵdarlamanyń qalai júzege asyrylatyny týraly ázirge egjei-tegjeili aqparat keltirgen joq.
Aita keteiik, AQSh-ta Kongrestiń aralyq sailaýy qarasha aiynda ótedi. Bul sailaýda Ókilder palatasynyń barlyq múshesi jáne Senattaǵy oryndardyń bir bóligi qaita sailanady. Nátijesinde Kongrestegi kúshterdiń araqatynasy ózgerýi múmkin.
