Toihana sport mektebine ainaldy
Túrkistan oblysynda karantin kezinde buryn toihana biznesimen ainalasatyn kásipkerler arasynda isterin jańa baǵytqa burǵandar artty. Sairam aýdanyndaǵy jergilikti kásipkeri Ómirhan Orazymbetov úshin de biznestegi baǵytyn ózgertýge pandemiia áser etti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Ótken jyly toihana salǵan biznesmenniń jańa ǵimaraty búkil álemdi jailaǵan pandemiiaǵa bailanysty jiyn-toi ótkizýge shekteýler qoiylǵan soń, bos turǵan.
Qazir «Dostyq» sport mektebinde 200 bala sporttyń bes túri boiynsha tegin jattyǵady. Munda taekvondo, dziýdo, sambo, karate jáne gimnastika úiirmeleri jumys isteidi. Segiz bilikti bapker balalardy sportqa baýlidy. Sport zaldyń ishi zaman talabyna sai jasaqtalǵan.
Ekinshi qabatynda eresekterge arnalǵan zaly jumys isteidi. Sairam aýdanynyń sport bólimi mamandarynyń málimetinshe, salaýatty ómir saltyn ustanatyn aýyl jastary bos ýaqytyn osynda ótkizedi.
