Onda qys mezgilindegi tótenshe jaǵdaılardyń aldyn alýǵa baılanysty tıisti mekemelerdiń daıyndyqtary jan-jaqty pysyqtaldy.
Aýdandaǵy tótenshe jaǵdaılar komısıasynyń, avarıalyq-qutqarý qyzmetteri men erikti órt sóndirý qurylymdarynyń kúshteri men quraldarynyń tótenshe jaǵdaı oryn alǵanda jasaıtyn is-áreketterge daıyndyǵyn baǵalaý maqsatynda ótken oqý-jattyǵý sharasyna aýdan ákimi Erlan Aıtahanov arnaıy qatysty.
Aýdan ákimi azamattyq qorǵanys salasyndaǵy qyzmetterdiń apat bolǵan jaǵdaıǵa daıyndyq barysyn jeke-jeke tekserip, olardyń daıyndyǵyna kóz jetkizdi.
Apat aıtyp kelmeıtindigin eskertken aýdan basshysy apattyń aldyn-alý, jumyldyrý daıarlyǵyn júıeli júrgizýdiń ózektiligine toqtalyp, tıisti sala ókilderine teorıalyq bilimderin jetildirip otyrýdyń mańyzdylyǵyn erekshe atap ótti.
Sondaı-aq, aýdan basshysy aldaǵy ýaqyttarda da mundaı oqý-jattyǵý jıyndaryn júıeli túrde ótkizýdi usynyp, sala basshylaryna naqty tapsyrmalar berdi.
Dalanews.kz
