Tótenshe jaǵdai kezinde túrkistandyq kásipkerlerge barynsha qoldaý kórsetildi
Túrkistan oblysy boiynsha Memlekettik kirister Departamentiniń baspasóz hatshysy Baian Tulǵabaevanyń aitýynsha, 2019 jylǵy mindettemeler boiynsha salyq eseptiligin tapsyrý merzimi 2020 jylǵy 31 naýryzdan 2020 jylǵy 31 mamyrǵa aýystyrylǵan.
«Áleýmettik mańyzy bar azyq-túlik taýarlarynyń tizbesine qosylǵan taýarlardy ótkizý ainalymdaryn jasaǵan jáne olardyń importy kezinde QQS mólsherlemesi 8% bolyp belgilendi. Atap ótý kerek, tótenshe jaǵdaidyń engizilýine jáne salyq saiasatynyń máseleleri jónindegi sharalar boiynsha QR Úkimetiniń 27 naýryzdaǵy №141 qaýlysy boiynsha QR Kásipkerlik kodeksine sáikes mikro, shaǵyn nemese orta kásipkerlik sýbektilerine salyq jáne keden bereshegin, sondai-aq áleýmettik tólemder boiynsha bereshekti májbúrlep óndirip alý 2020 jylǵy 1 maýsymyna deiin toqtatylǵan bolatyn. Iaǵni, 1 maýsymnan bastap májbúrlep óndirý sharalary avtomatty túrde qoldanyla bastaidy. Al, eger de salyq qaryzdaryn tóleýge qarajat bolmaǵan jaǵdaida, Salyq kodeksiniń 51 babyna sáikes, tiisti talaptardy saqtai otyryp, tóleý merzimin ózgertýge, iaǵni qaryzyn tóleýdi 6 ai keiinge qaldyrýyna nemese 3 jyl ishinde bólip tóleý jeńildikterin qoldanýǵa bolady», - dedi Baian Tilegenqyzy.
Túrkistan oblysynyń Óńirlik kommýnikatsiialar qyzmeti
https://dalanews.kz/52986
