Gúlnur Qurmanbai Shieli aýdandyq sotynda 8 jyldan beri sýdia qyzmetin atqaryp keledi eken. Ártúrli isterge qazylyq etip júrgen ol 2017 jyly sot tóraǵasy bolyp Marat Kúzdeýbaev taǵaiyndalysymen, qyzmetinde qiyndyqtar týyndai bastaǵanyn aitady.
Gúlnur Qurmanbai, Shieli aýdandyq sotynyń sýdiasy:
Ol kisi maǵan kádimgidei ashyq túrde tiisti. Kún kórsetpedi. Maǵan oryssha aitqanda liýbovnitsa bolmadyń degen negizben isterime tiisip, jańa jyldarda bolmasa jumysqa kelmegen kezde siz kelmedińiz, qaida boldyńyz degendei sol sekildi basqa áreketteri bar endi men onyń bárin podrobnosti aitýǵa áiel atyma uiatty nárse. Namysyma tiedi. Aýyr ol.
Gúlnur Qurmanbaidyń aitýynsha, sot tóraǵasy qyzmettik mindetin asyra paidalanyp, ózimbilermendikke de jol bergen.
Gúlnur Qurmanbai, Shieli aýdandyq sotynyń sýdiasy:
Lichno aitamyn, pýblichno aitamyn, meniń kabinetimniń esigin buzyp, mensiz, kelisimimsiz sóitip, isterdi alyp, meniń atymnan kompiýterde sheshim jazyp, oǵan qol qoiyp, ony taraptarǵa berip, ol taraptar ol sheshimmen kelispei, oǵan appelatsiialyq keltirip, ol oblyspen buzylyp kelgenin men bilgende aýzym ashylyp qaldy. Meniń aitarǵa sózim joq.
Osylai dep shaǵymdanǵan sýdia Gúlnur Qurmanbai basshynyń ústinen Joǵarǵy sotqa aryzdanǵanyn aitady. Alaida, femida ókilderi isti teksere kele eshqandai qylmys quramy joq degen sheshim shyǵarypty. Al, Shieli aýdandyq sotynyń tóraǵasy Marat Kúzdeýbaev ózine taǵylǵan aiyppen múldem kelispeidi. Ol mundai áreketke sýdia Gúlnur Qurmanbaidyń "menen kek alý maqsatyna jasap otyrǵan amaly" deidi.
Marat Kúzdeýbaev, Shieli aýdandyq sotynyń tóraǵasy:
Men Shieli aýdany turǵyndarynan sýdia Qurmanbaidyń zańsyz sheshimderinen keiin úileri men jerlirinen aiyrylyp qaldy dep shaǵymdar túskennen keiin ózim tekserý júrgizdim. Sodan sýdia Qurmanbaidyń QR azamattyq kodeksiniń búkil talaptaryn buza otyryp, 20 dana zańsyz sheshimderin anyqtadym. Sýdia Qurmanbai tarapynan sheshim shyǵarý barysynda zańsyzdyqqa jol berilgeni týraly oblystyq sottyń tóraǵasyna habarlap, zań talaptaryna sáikes, shara qoldandym.
Tóraǵa qol astyndaǵy qyzmetkerdiń ústinen qylmystyq kodekstiń 369 babynyń 3-shi bóligi jáne 418 baptyń 1 bóligimen qylmystyq is qozǵalǵanyn jáne onyń buǵan deiin shyǵarǵan 20 sheshimniń 10-y buzylǵanyn aityp berdi. Sondai-aq, Qyzylorda oblystyq sotynyń baspasóz qyzmeti Gúlnur Qurmanbaidyń ókilettiligi Joǵarǵy sot Tóraǵasynyń buiryǵymen eki aiǵa toqtatylǵanyn málimdedi. Endi jábirlenýshi jaq Bas prokýrorǵa shaǵymdanbaq.
https://youtu.be/qNIRLb7vRhA
