Keiingi kezde Kremldiń sózin sóileitin áleýmettik medianyń belsendiligi kúrt artqan, - dep habarlaidy Dalanews.kz.
"Chemodan gossekretov" telegram arnasynyń málimetinshe, Máskeýdiń astaýynan jem jep otyrǵan astyrtyn arnalar qazaqstandaǵy problemalar týraly belsendi jaza bastaǵan.
"Onyń artynda oqiǵany ózine qajet qyrynan kórsetýmen ǵana emes, eldegi bilikti ashyqtan-ashyq qaralaýmen de ainalysatyndar turǵany anyq. Qazirgi ýaqytta eldegi sý tasqynyna bailanysty aqparattar keńinen tarap jatyr. Erekshe kózge túsetini Astanadaǵy Resei elshiligi ornalasqan kósheniń atymen atalǵan "Baraeva" telegram-arnasy. Bul arnanyń jalpy taqyryby JEO apattary nemese eldi mekenderdegi sý tasqyny, eski Qazaqstan ókilderinen muraǵa qalǵan infraqurylymdyq daǵdarystarmen kúreste qazaqstandyq biliktiń álsizdigin kórsetýge baǵyttalǵan.
Jazbalardyń mazmuny birdei: avtorlar negativ jańalyqtardy jariialap, krizis odan ári kúsheietinin jáne bul áleýmettik shieleniske ákeletinin aitady. Telegram arna derektermen ashyq túrde manipýliatsiia jasap jáne joq lozýngtardy oilap tabý arqyly odan ári narazylyq týdyrady".
Sarapshylardyń sózinshe, reseilik depýtattar men sarapshylar osylaisha Qazaqstannyń ishki saiasatyna provokatsiia arqyly áser etpek.
"Bizdiń derekter boiynsha, Prezident apparaty Qazaqstanǵa qarsy osy tynysh aqparattyq shabýyldy kim jáne qandai sebeptermen júrgizip jatqanyn túsinip otyr. Jekelegen oryndaýshylardyń shamadan tys bastamashylyǵy eki memleket arasyndaǵy yntymaqtastyqtyń sapasyna teris áser etýi múmkin", - delingen jazbada.
Eske salaiyq, buǵan deiin áleýmettik jelide Eski Qazaqstandy jaqtaýshylardyń belsendiligi artqany týraly jazǵan edik.
Al tarap jatqan aqparattardyń saryny bir. Olar Nazarbaev bilikte otyrǵan kezde halyqtyń jaǵdaiy jaqsy bolypty degen pikirdi jeleý etip júr. Máselen, "Elbasy Nazarbaev" dep atalatyn TikTok arnanyń Nazarbaev tarapyna túsirilgen videolary milliondap qaralym jinap úlgergen.
Paraqshadaǵy videolardyń birinde "halyq Nazarbaevqa shúkirshilik jasai almaǵany" aitylady.
Sonymen qatar, Reseilik arnada Qazaqstanǵa qarsy provokatsiia jasaldy. Reseilik telearnada Qazaqstan jaily eki serialy film shyqty. Filmde Qazaqstanda "rýsofobiia" bary, el biligi Batystyń marionetkasy ekeni aitylady. Film avtory - Reseidiń Memlekettik dýmasynyń depýtaty Andrei Lýgovoi. Ol Kreml tapsyrmasy boiynsha 2006 jyly reseilik saiasi emigrant Aleksandr Litvinenkony ýlaǵanymen belgili.
Film mazmuny boiynsha, Reseidiń Ýkrainaǵa qarsy aitylǵan tezisteri qoldanylǵan: Qazaqstanda fashizm jáne "rýsofobiia" bary, el biligi Batystyń marionetkasy ekeni jáne Reseige qarsy qastandyqtyń ainalasynda júrgeni aitylady.
22 minýtqa sozylǵan filmde Qazaqstan Batystyń shikizat koloniiasyna ainalyp bara jatyr degen oi aitylady. Tipti qazaqstandyq bloger Anastasiia Ahmetovadan pikir alǵan. Bloger Qazaqstan biligi – Batystyń agentteri dep aitady. Onyń sózinshe, Qazaqstannyń maqsaty – eldegi bar bailyqty satyp, eldi Afrikaǵa ainaldyrý.
