Premer-ministr Oljas Bektenov Memleket basshysynyń jasandy intellektini damytý jónindegi tapsyrmalaryn júzege asyrý máseleleri boiynsha jiyn ótkizdi, dep habarlaidy Dalanews.kz.
Onda Prezident belgilegen negizgi toǵyz baǵyt qarastyryldy. Olardyń qatarynda ekonomikanyń naqty sektoryna, memlekettik basqarýǵa, densaýlyq saqtaý salalaryna JI engizý, Jasandy intellekt jáne tsifrlyq transformatsiia strategiiasyn ázirleý, memlekettik qyzmetterdi jáne ótinishtermen jumys isteý protsesterin damytý, IT-arhitektýrany, QazTech ulttyq platformasyn jańǵyrtý, kiberqaýipsizdikti qamtamasyz etý, otandyq IT startaptardy qoldaý jáne Smart sity-di damytý máseleleri bar.
Tsifrlyq damý, innovatsiialar jáne aeroǵarysh ónerkásibi ministri Jaslan Mádiev Prezident tapsyrmalaryn júzege asyrýdaǵy tásilder týraly baiandama jasady.
Onyń aitýynsha, ekonomikaǵa jasandy intellektini engizý basym mindet bolyp otyr. Osy baǵytta Úkimet «Samuryq-Qazyna» UÁQ-pen birlesip, eńbek ónimdiligin arttyrý úshin óndiristik protsesterge JI engizý jónindegi jol kartasyn ázirleýge kiristi.
Jańa tehnologiialar densaýlyq saqtaý salasynda durys diagnoz qoiýǵa, em-shara taǵaiyndaýǵa jáne naýqastarǵa monitoring júrgizýge, dárigerlerdi kúndelikti mindetterden bosatýǵa múmkindik beredi. Bul halyqqa kórsetiletin qyzmetterdiń sapasyna, ashyqtyǵy men tiimdiligine oń áser etedi. Otandyq startaptardyń Densaýlyq saqtaý ministrliginiń infraqurylymyna qoljetimdiligi, Biryńǵai meditsinalyq derekter bazasyna kóshýi jáne taǵy basqalary – mańyzdy qadam.
Memlekettik qyzmetter salasynda Aitu-dy ulttyq messendjer retinde bekitý jumystary júrgizilýde. Memlekettik organdar Aitu-ǵa kóshirilip, ekojúieniń negizgi qatysýshylary biryńǵai tsifrlyq ortaǵa biriktiriledi. Bul tásil zamanaýi, qaýipsiz ári yńǵaily tsifrlyq ortany qalyptastyrýǵa múmkindik beredi, onda memlekettik qyzmetter árbir azamatqa «batyrmany bir ret basý» arqyly qoljetimdi bolady. Sonymen qatar elimizdiń IT landshaftynyń arhitektýralyq úilesimdiligin arttyrý, sondai-aq derekterdi qorǵaý jáne kiberqaýipsizdik salasynda sharalar kesheni boiynsha júieli jumystar kózdelgen.
"Memleket basshysy JI tehnologiialaryn barlyq salaǵa engizýdiń ózekti máselelerine basa nazar aýdaryp otyr. Bul máseleler jyldam ári ózara tyǵyz áreket ete otyryp sheshý qajet. Mundaǵy másele tek JI jumysynyń quqyqtyq negizin jetildirýmen shektelmeidi, odan bólek derekterdiń shashyrańqylyǵy, sýperkompiýterdiń qýatyn bólý boiynsha naqty reglamenttiń bolmaýy, kiberqaýipsizdik, QazTech platformasyna tolyq kóshý syndy máseleler sheshimin tabý kerek. Bul mindetterdiń barlyǵy elimizdiń tsifrlyq transformatsiiasy úshin strategiialyq mańyzǵa ie, sondyqtan da kózge kórinetin ekonomikalyq nátijemen osy jyldyń jeltoqsan aiyna deiin oryndalýy tiis", — dep atap ótti Premer-ministr Oljas Bektenov.
Tsifrlyq damý ministrligine múddeli memlekettik organdarmen jáne uiymdarmen birlese otyryp, usynylǵan tásilderdi pysyqtaý tapsyryldy. Úkimet jaqyn arada naqty merzimderi men nátijeleri bar is-sharalar josparyn qabyldaidy.
JI-di jedel damytý jáne ekonomikaǵa engizý, sondai-aq Memleket basshysy tapsyrmalarynyń júzege asyrylýyn baqylaý maqsatynda Premer-ministrdiń ókimimen tsifrlyq transformatsiia jónindegi top (tsifrlyq shtab) quryldy.
Premer-ministr tóraǵalyq etetin tsifrlyq shtab quramyna: Premer-ministrdiń orynbasary – Úkimet Apparatynyń basshysy, Strategiialyq josparlaý jáne reformalar jónindegi agenttiktiń tóraǵasy, tsifrlyq damý, innovatsiialar jáne aeroǵarysh ónerkásibi ministri, Prezidenttiń tsifrlandyrý máseleleri jónindegi keńesshisi kirdi.
Tsifrlyq shtabtyń mindetti sheshimderdi jyldam qabyldaýy jasandy intellekt tehnologiialaryn jedel ári jappai engizýge yqpal etedi.
Aita ketsek, kúni keshe Memleket basshysy jasandy intellektini damytý máseleleri jóninde keńes ótkizdi. "Qajet infraqurylymdy daiyndap, zańnamalyq negiz ben málimetterdi jinaý júiesin ázirlep, jasandy intellektini engizý jumysyn bastaýdy tapsyrdym. Biraq bul tapsyrmalardyń oryndalý barysy máz emes", – degen edi Qasym-Jomart Toqaev atalǵan keńeste.
