پرەمەر-مينيستر ولجاس بەكتەنوۆ مەملەكەت باسشىسىنىڭ جاساندى ينتەللەكتىنى دامىتۋ جونىندەگى تاپسىرمالارىن جۇزەگە اسىرۋ ماسەلەلەرى بويىنشا جيىن وتكىزدى، دەپ حابارلايدى Dalanews.kz.
وندا پرەزيدەنت بەلگىلەگەن نەگىزگى توعىز باعىت قاراستىرىلدى. ولاردىڭ قاتارىندا ەكونوميكانىڭ ناقتى سەكتورىنا، مەملەكەتتىك باسقارۋعا، دەنساۋلىق ساقتاۋ سالالارىنا جي ەنگىزۋ، جاساندى ينتەللەكت جانە سيفرلىق ترانسفورماسيا ستراتەگياسىن ازىرلەۋ، مەملەكەتتىك قىزمەتتەردى جانە وتىنىشتەرمەن جۇمىس ىستەۋ پروسەستەرىن دامىتۋ، ىت-ارحيتەكتۋرانى، QazTech ۇلتتىق پلاتفورماسىن جاڭعىرتۋ، كيبەرقاۋىپسىزدىكتى قامتاماسىز ەتۋ، وتاندىق IT ستارتاپتاردى قولداۋ جانە Smart سityء-دى دامىتۋ ماسەلەلەرى بار.
سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى جاسلان مادييەۆ پرەزيدەنت تاپسىرمالارىن جۇزەگە اسىرۋداعى تاسىلدەر تۋرالى بايانداما جاسادى.
ونىڭ ايتۋىنشا، ەكونوميكاعا جاساندى ينتەللەكتىنى ەنگىزۋ باسىم مىندەت بولىپ وتىر. وسى باعىتتا ۇكىمەت «سامۇرىق-قازىنا» ۇاق-پەن بىرلەسىپ، ەڭبەك ونىمدىلىگىن ارتتىرۋ ءۇشىن وندىرىستىك پروسەستەرگە جي ەنگىزۋ جونىندەگى جول كارتاسىن ازىرلەۋگە كىرىستى.
جاڭا تەحنولوگيالار دەنساۋلىق ساقتاۋ سالاسىندا دۇرىس دياگنوز قويۋعا، ەم-شارا تاعايىنداۋعا جانە ناۋقاستارعا مونيتورينگ جۇرگىزۋگە، دارىگەرلەردى كۇندەلىكتى مىندەتتەردەن بوساتۋعا مۇمكىندىك بەرەدى. بۇل حالىققا كورسەتىلەتىن قىزمەتتەردىڭ ساپاسىنا، اشىقتىعى مەن تيىمدىلىگىنە وڭ اسەر ەتەدى. وتاندىق ستارتاپتاردىڭ دەنساۋلىق ساقتاۋ مينيسترلىگىنىڭ ينفراقۇرىلىمىنا قولجەتىمدىلىگى، ءبىرىڭعاي مەديسينالىق دەرەكتەر بازاسىنا كوشۋى جانە تاعى باسقالارى – ماڭىزدى قادام.
مەملەكەتتىك قىزمەتتەر سالاسىندا Aitu-دى ۇلتتىق مەسسەندجەر رەتىندە بەكىتۋ جۇمىستارى جۇرگىزىلۋدە. مەملەكەتتىك ورگاندار اitu-عا كوشىرىلىپ، ەكوجۇيەنىڭ نەگىزگى قاتىسۋشىلارى ءبىرىڭعاي سيفرلىق ورتاعا بىرىكتىرىلەدى. بۇل ءتاسىل زاماناۋي، ءقاۋىپسىز ءارى ىڭعايلى سيفرلىق ورتانى قالىپتاستىرۋعا مۇمكىندىك بەرەدى، وندا مەملەكەتتىك قىزمەتتەر ءاربىر ازاماتقا «باتىرمانى ءبىر رەت باسۋ» ارقىلى قولجەتىمدى بولادى. سونىمەن قاتار ەلىمىزدىڭ IT لاندشافتىنىڭ ارحيتەكتۋرالىق ۇيلەسىمدىلىگىن ارتتىرۋ، سونداي-اق دەرەكتەردى قورعاۋ جانە كيبەرقاۋىپسىزدىك سالاسىندا شارالار كەشەنى بويىنشا جۇيەلى جۇمىستار كوزدەلگەن.
"مەملەكەت باسشىسى جي تەحنولوگيالارىن بارلىق سالاعا ەنگىزۋدىڭ وزەكتى ماسەلەلەرىنە باسا نازار اۋدارىپ وتىر. بۇل ماسەلەلەر جىلدام ءارى ءوزارا تىعىز ارەكەت ەتە وتىرىپ شەشۋ قاجەت. مۇنداعى ماسەلە تەك جي جۇمىسىنىڭ قۇقىقتىق نەگىزىن جەتىلدىرۋمەن شەكتەلمەيدى، ودان بولەك دەرەكتەردىڭ شاشىراڭقىلىعى، سۋپەركومپيۋتەردىڭ قۋاتىن ءبولۋ بويىنشا ناقتى رەگلامەنتتىڭ بولماۋى، كيبەرقاۋىپسىزدىك، QazTech پلاتفورماسىنا تولىق كوشۋ سىندى ماسەلەلەر شەشىمىن تابۋ كەرەك. بۇل مىندەتتەردىڭ بارلىعى ەلىمىزدىڭ سيفرلىق ترانسفورماسياسى ءۇشىن ستراتەگيالىق ماڭىزعا يە، سوندىقتان دا كوزگە كورىنەتىن ەكونوميكالىق ناتيجەمەن وسى جىلدىڭ جەلتوقسان ايىنا دەيىن ورىندالۋى ءتيىس"، — دەپ اتاپ ءوتتى پرەمەر-مينيستر ولجاس بەكتەنوۆ.
سيفرلىق دامۋ مينيسترلىگىنە مۇددەلى مەملەكەتتىك ورگاندارمەن جانە ۇيىمدارمەن بىرلەسە وتىرىپ، ۇسىنىلعان تاسىلدەردى پىسىقتاۋ تاپسىرىلدى. ۇكىمەت جاقىن ارادا ناقتى مەرزىمدەرى مەن ناتيجەلەرى بار ءىس-شارالار جوسپارىن قابىلدايدى.
ءجي-دى جەدەل دامىتۋ جانە ەكونوميكاعا ەنگىزۋ، سونداي-اق مەملەكەت باسشىسى تاپسىرمالارىنىڭ جۇزەگە اسىرىلۋىن باقىلاۋ ماقساتىندا پرەمەر-مينيستردىڭ وكىمىمەن سيفرلىق ترانسفورماسيا جونىندەگى توپ (سيفرلىق شتاب) قۇرىلدى.
پرەمەر-مينيستر ءتوراعالىق ەتەتىن سيفرلىق شتاب قۇرامىنا: پرەمەر-مينيستردىڭ ورىنباسارى – ۇكىمەت اپپاراتىنىڭ باسشىسى، ستراتەگيالىق جوسپارلاۋ جانە رەفورمالار جونىندەگى اگەنتتىكتىڭ ءتوراعاسى، سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى، پرەزيدەنتتىڭ سيفرلاندىرۋ ماسەلەلەرى جونىندەگى كەڭەسشىسى كىردى.
سيفرلىق شتابتىڭ مىندەتتى شەشىمدەردى جىلدام قابىلداۋى جاساندى ينتەللەكت تەحنولوگيالارىن جەدەل ءارى جاپپاي ەنگىزۋگە ىقپال ەتەدى.
ايتا كەتسەك، كۇنى كەشە مەملەكەت باسشىسى جاساندى ينتەللەكتىنى دامىتۋ ماسەلەلەرى جونىندە كەڭەس وتكىزدى. "قاجەت ينفراقۇرىلىمدى دايىنداپ، زاڭنامالىق نەگىز بەن مالىمەتتەردى جيناۋ جۇيەسىن ازىرلەپ، جاساندى ينتەللەكتىنى ەنگىزۋ جۇمىسىن باستاۋدى تاپسىردىم. ءبىراق بۇل تاپسىرمالاردىڭ ورىندالۋ بارىسى ءماز ەمەس"، – دەگەن ەدى قاسىم-جومارت توقايەۆ اتالعان كەڭەستە.
