Premer-ministr Oljas Bektenov týristik salany damytýǵa qatysty Memleket basshysy Qasym-Jomart Toqaevtyń tapsyrmalaryn iske asyrý boiynsha keńes ótkizdi, dep habarlaidy Dalanews.kz.
Keńeste Premer-ministrdiń orynbasary Ermek Kósherbaev pen Týrizm jáne sport ministri Erbol Myrzabosynov elimizdiń týristik aimaqtaryndaǵy infraqurylym, servis pen qaýipsizdik máseleleri, sondai-aq Alakól jaǵalaýyndaǵy qazirgi jaǵdai týraly baiandama jasady.
Oljas Bektenov óńir ákimderi men ortalyq memlekettik organdarǵa osy baǵyttaǵy jumysty kúsheitýdi tapsyrdy. Naqty mindetter júkteldi.
Prezident eskertýleriniń shuǵyl oryndalýyn qamtamasyz etý úshin Ermek Kósherbaev pen Erbol Myrzabosynov óńirlerge issaparmen jiberiledi. Sapar nátijesinde jaýapty tulǵalar jaýapkershilikke tartylady.
Budan bólek, jiyn barysynda Almaty taý klasterin damytý máseleleri qaraldy. Bastapqy kezeńde infraqurylymdyq jumystar júrgiziledi. Atap aitqanda, elektr jelilerin, káriz júiesin, gazben jabdyqtaý men avtojoldardy salý, sondai-aq irgeles aýmaqtardy abattandyrý jáne bolashaqta álemdik deńgeidegi kýrort qalyptastyrý úshin jaǵdai jasaý kózdelip otyr.
Aita keteiik, buǵan deiin memleket basshysy halyqtan kelip túsken kóptegen shaǵymǵa bailanysty Alakól mańyndaǵy áigili týristik aimaqtyń demalýshylardy qarsy alýǵa daiyndyǵy tómen ekenine Úkimettiń nazaryn aýdardy. Bul týraly prezidenttiń baspasóz hatshysy Rýslan Jeldibai málimdedi.
"Atap aitqanda, qajetti týristik infraqurylym, qyzmet kórsetý men qaýipsizdik laiyqty deńgeide qamtamasyz etilmegen.
Úkimetke qysqa merzim ishinde eldegi barlyq týristik baǵyttyń jaǵdaiyn retke keltirip, olqylyq jibergen laýazymdy tulǵalardy jaýapkershilikke tartýdy tapsyrdy", - dep jazdy ol.
Memleket basshysynyń Alakól jaǵalaýyndaǵy týristik infraqurylymǵa qatysty synynan keiin oblys ákiminiń tapsyrmasymen onyń orynbasary Serik Týlenbergenov aýdan basshylyǵynyń jáne jaýapty memlekettik mekemelerdiń qatysýymen kól basynda shuǵyl jiyn ótkizdi. Onda demalýshylarǵa qolaily jaǵdai jasaý, sanitarlyq tazalyq pen qaýipsizdik máseleleri keńinen talqylandy,- dep habarlaidy Dalanews.kz
Kól jaǵasyna quqyq qorǵaý organdarymen birge reid júrgizip, tártiptik sharalardy kúsheitedi. Sonyń ishinde motorly qaiyq ieleriniń qyzmet kórsetýleri qatań tekseriledi. Tazalyq máselesi qarastyrylyp, qoqys tastaǵan saýda oryndary men demalys úilerine aiyppul salynady.
Alakóldiń Abai oblysyndaǵy jaǵalaýyna biyl erekshe kóńil bólinip jatyr. Buǵan deiin naýryz aiynan bastap, oblys ákimi Berik Ýáli týristik orynǵa 3 ret baryp, kóshpeli jiyndar ótkizgen. Alakól jaǵalaýyna 2018 jyldan beri jóndeý jumystary júrgizilmegen. Osyny eskere otyryp, oblystyq biýdjetten 658 million teńge qarjy bólindi. Bólingen qarjydan Arbat alańyn jóndeýge 108,9 mln tg, jańa qoǵamdyq keńistik qurýǵa 171,6 mln tg, jaǵalaýdy abattandyrýǵa 107,5 mln tg baǵyttaldy. 25 kiim aýystyratyn oryn, 50 konteiner, 2 biotýalet ornatyldy. 7 pirstiń 3-eýi ornatylyp, qutqarý munaralary men jaǵajaidy jaryqtandyrý jumystary júrgizildi.
Sonymen qatar jaǵalaýda qutqarý stantsiiasynyń qurylysy bastaldy. Atalǵan stantsiia Alakól aýmaǵynda tótenshe jaǵdailardyń aldyn alý, saldaryn joiý, alǵashqy meditsinalyq kómek kórsetýge múmkindik jasaý, adam ómirin saqtaý men jalpy qaýipsizdik deńgeiin arttyrýǵa baǵyttalǵan. Sondai-aq, Qabanbai aýylynda órt sóndirý deposy salynýda. Eki órt sóndirý avtokóligine arnalǵan beket Alakól mańy men aýmaǵyndaǵy órt qaýipsizdigin qamtamasyz etýge arnalǵan.
