Prezident Qasym-Jomart Toqaev Resei Federatsiiasynyń prezidenti Vladimir Pýtinmen telefon arqyly sóilesti, dep habarlaidy Dalanews.kz.
Memleketter basshylary Qazaqstan-Resei san qyrly qarym-qatynasynyń qazirgi jai-kúii men damý perspektivasyn dostyq ári ózara senim sipatynda talqylady.
Prezidentter joǵary deńgeide qol jetkizilgen ýaǵdalastyqtardyń dáiekti túrde júzege asyrylyp jatqanyn atap ótti.
Sondai-aq, mádeni-gýmanitarlyq bailanystardy tereńdetý jumystaryna oń baǵa berip, birlesken ǵylymi-bilim berý bastamalaryn ilgeriletýdiń mańyzyna toqtaldy.
Qasym-Jomart Toqaev Vladimir Pýtindi Qazaqstanǵa memlekettik saparmen kelýge shaqyrǵanyn taǵy da rastady.
Áńgimelesý barysynda taraptar halyqaralyq jáne óńirlik kún tártibindegi máseleler jóninde pikir almasty.
