Bloger Samat Nurtaza Memleket basshysynyń segiz aidaǵy jumysyn súzgiden ótkizipti.
Osy mejedegi oń ózgeristerdi saýsaqpen sanap bergen blogerdiń aitýynsha, Toqaev sóz emes istiń adamy.
Sonyń dálel osy segiz aida:
- Kepilsiz nesie alǵan turmysy tómen qazaqstandyqtardyń qaryzy keshirildi.
- Muǵalimder jáne ózge de biýdjet qyzmetkerleriniń jalaqysy kóteriletin bolady.
- Mikro jáne shaǵyn biznes úsh jylǵa deiin tabys salyǵynan bosatyldy.
- Ulttyq senim keńesi qurylyp, jumys isteýde. Halyqtyń kókeiinde ózgeriske degen úmit paida boldy. Bilik ózge pikirge oǵash qaraityn ádetinen arylyp keledi. Táýelsiz Qazaqstannyń tarihynda alǵash ret Memleket basshysy quqyqqorǵaýshylarmen kezdesti. Bul buǵan deiin múmkin emestei kóringen.
- Sheteldikterdiń kóshi-qon politsiiasyna kelip tirkelýi alynyp tastalady.
- Kókjailaý kýrortynyń qurylysyna tyiym salyndy.
- Ile-Alataý ulttyq parkinde zańsyz taratylǵan jer keri qaitarylady.
LRT jobasyn júzege asyrýda jymqyrylǵan qarajatqa qatysty tergeý bastaldy.
- Parlament aldaǵy ýaqytta Toqaevtyń ózge de bastamalaryn júzege asyratyn zań qabyldaidy. Onyń ishinde pedofiliia, áielderge zorlyq-zombylyq kórsetý, esirtki taratý, mal urlyǵy jáne ózge de aýyr qylmystyń jazasy qatańdaidy.
Taǵy bir shaǵyn detalǵa nazar aýdarýǵa tiispiz.
Eshbir shendi-shekpendiniń kabinetinde, kóshedegi bilbordtarda Memleket basshysynyń portreti joq. Aqtaýda óziniń sýreti salynǵan bilbordty ornatqandardy Toqaev synǵa alǵan bolatyn.
«Bul múlde orynsyz! Men mundai dáripteýge muqtaj emespin», – dedi Memleket basshysy sol joly.
Soǵan qaraǵanda, qazirgi Prezidentke propagandanyń da, portrettiń de qajeti shamaly. Toqaev – naqty isti, nátijeli ideiany quptaityn adam», – deidi bloger.
